فوتو: اكوردا
وبلىس اكىمىنىڭ ءباسپاسوز حاتشىسى رۋسلان جۇماعازيەۆتىڭ ۇسىنعان اقپاراتىنا قاراعاندا, سۋ تاسقىنىنان كوپ زارداپ شەككەن جىلىوي جانە قىزىلقوعا اۋدانىنداعى ارنايى كوميسسيالاردىڭ قورىتىندىسىمەن ولگەن مالدىڭ سانى ناقتىلاندى. بۇل كوميسسيالارعا جىلىوي اۋدانىنان – 100, قىزىلقوعا اۋدانىنان 58 ءوتىنىش تۇسكەن. وتىنىشتە كورسەتىلگەن 1 067 مال مەن 532 ءۇي قۇسىنا 185,6 ملن تەڭگە وتەماقى تولەنگەن.
«بۇل قارجىنىڭ 123,8 ملن تەڭگەسى جىلىوي اۋدانى تۇرعىندارىنىڭ شىعىنى ءۇشىن بەرىلگەن. ويتكەنى بۇل اۋداندا 876 ءتورت ت ۇلىكتىڭ, اتاپ ايتقاندا, 93 ءمۇيىزدى ءىرى قارا, 697 قوي-ەشكى, 55 جىلقى جانە 31 تۇيەنىڭ ولگەنى انىقتالىپ وتىر. سونداي-اق 532 ءۇي قۇسى ولگەن. ال قىزىلقوعا اۋدانىندا تۇراتىن تۇرعىنداردىڭ شىعىنى 61,7 ملن تەڭگەنى قۇرادى. مۇندا 105 سيىر, 40 قوي-ەشكى, 45 جىلقى, 1 تۇيە شىعىن بولعان. قازىر بۇل اۋداندا ءتورت ت ۇلىكتىڭ شىعىنى ءۇشىن وتەماقى تولىق تولەندى», دەيدى ر.جۇماعازيەۆ.
ونىڭ دەرەگىنە جۇگىنسەك, وبلىستا سۋ تاسقىنىنان 39 شارۋا قوجالىعى, 19 جەكە كاسىپكەر, 90 تۇرعىن زارداپ شەككەن. ماسەلەن, جىلىوي اۋدانىندا شىعىنعا ۇشىراعان 13 شارۋا قوجالىعى, 16 جەكە كاسىپكەر, 71 تۇرعىن تىركەلىپ وتىر. ال قىزىلقوعا اۋدانىنان 26 شارۋا قوجالىعى, 3 جەكە كاسىپكەر مەن 29 تۇرعىن شىعىندى وتەۋ جونىندە وتىنىشپەن جۇگىنىپ وتىر.
«جىلىوي اۋدانىنىڭ تۇرعىندارىنان قوسىمشا 50 ءوتىنىش قابىلداندى. بۇل وتىنىشتەردە 206 مالدىڭ, ونىڭ ىشىندە 90 ءمۇيىزدى ءىرى قارا, 27 قوي-ەشكى, 58 جىلقى مەن 31 تۇيەنىڭ شىعىن بولعانى كورسەتىلدى. سوندىقتان شىعىندى وتەۋ ءۇشىن وبلىستىق بيۋدجەتتەن 88,7 ملن تەڭگە ءبولىندى. قازىر مال يەلەرىنە وتەماقىنى تولەۋ ءۇشىن قاجەتتى جۇمىستار قولعا الىندى», دەپ مالىمدەدى ر.جۇماعازيەۆ.
سۋ تاسقىنىنان ەگىستىك القاپتارىنا دا زيان كەلگەنى جاسىرىن ەمەس. تاسقىن سۋ 6 071 گەكتار اۋماقتى باستى. سونىڭ سالدارىنان 4 754 گەكتار القاپقا عانا ەگىن ەگىلدى. ونىڭ ىشىندە كارتوپ – 568 گا, كوكونىستەر – 1433 گا, باقشا – 931 گا, مال ازىقتىق داقىلدار 1822 گەكتاردى قۇرايدى.
«اۋىل شارۋاشىلىعى ءمينيسترىنىڭ 2024 جىلعى 17 مامىرداعى №167 بۇيرىعىمەن اۋىل شارۋاشىلىعى سالاسىندا تابيعي سيپاتتاعى توتەنشە جاعداي ناتيجەسىندە جەكە جانە زاڭدى تۇلعالارعا كەلتىرىلگەن زالالدى وتەۋ قاعيداسى بەكىتىلدى. سوعان سايكەس سۋ تاسقىنىنان زارداپ شەككەن قالا, اۋدانداردا جانە وبلىستا ارنايى كوميسسيا قۇرىلدى. اتىراۋ وبلىسىندا شىعىندى وتەۋ ماقساتىندا بەرىلگەن 152 ءوتىنىش تىركەلدى. ونىڭ ىشىندە 90 وتىنىشتە ەگىستىك القاپقا كەلتىرىلگەن شىعىندى وتەۋ سۇرالىپ وتىر. ال 62 ءوتىنىش يەلەرىنىڭ ماۋسىمدىق ءۇي, قورا, اۋىل شارۋاشىلىعى تەحنيكالارى مەن قۇرىلعىلارى سەكىلدى مۇلكىنە زالال كەلگەنى انىقتالدى», دەيدى ر.جۇماعازيەۆ.
ال قۇلسارى قالاسىندا تاسقىننان زارداپ شەككەن كاسىپكەرلىك سۋبەكتىلەردىڭ شىعىنى وتەلىپ جاتىر. وڭىرلىك كوميسسيانىڭ شەشىمىمەن 177 كاسىپكەردىڭ ءوتىنىشى قابىلدانىپ, ولارعا 1,7 ملرد تەڭگەنىڭ وتەماقىسى تاعايىندالدى. شىعىنداردى انىقتاۋ, زەردەلەۋ جۇمىسىنا 13 باعالاۋ كومپانياسى تارتىلدى. بۇل كومپانيالاردان 58 مامان باعالاۋ جۇرگىزۋگە جۇمىلدى.
«وتەماقى مولشەرى ۇلتتىق ستاتيستيكا بيۋروسى جاريالايتىن اۋىل شارۋاشىلىعى جانۋارلارىنىڭ ءتۇرى مەن جىنىستىق-جاس توپتارى ءبولىنىسى ەسكەرىلىپ, نارىقتىق قۇنى تۋرالى دەرەكتەر نەگىزىندە ايقىندالدى. وسى كەزگە دەيىن بەرىلگەن وتەماقى مولشەرىنە شاعىمدانۋ دەرەگى تىركەلگەن جوق. قازىر اتىراۋ قالاسى مەن ماحامبەت اۋدانىندا مال شىعىنىنا قاتىستى وتىنىمدەردى قابىلداۋ ءجۇرىپ جاتىر. ولگەن مالدىڭ سانى مەن وتەماقىنىڭ مولشەرى قالالىق, اۋداندىق كوميسسيانىڭ شەشىمدەرىنە سايكەس انىقتالادى», دەپ ناقتىلادى وبلىس اكىمىنىڭ ءباسپاسوز حاتشىسى.
اتىراۋ وبلىسى
