فوتو: kp.ru
ايتا كەتەيىك, بيىل باكالاۆرياتقا ءتۇسۋ ءۇشىن 79 مىڭعا جۋىق گرانت بولىنگەن. گرانتتاردىڭ باسىم بولىگى ينجەنەرلىك جانە تەحنيكالىق باعىتتارعا ۇلەستىرىلگەن.
سونىمەن قاتار بيىل العاش رەت ءىشىنارا وقۋ اقىسى بار سارالانعان گرانتتار ەنگىزىلگەن. ماسەلەن, «پەداگوگيكالىق عىلىمدار» جانە «الەۋمەتتىك عىلىمدار, جۋرناليستيكا جانە اقپارات» باعىتتارى بويىنشا 150 سارالانعان گرانتتان بولىنگەن. سونداي-اق «سەرپىن» باعدارلاماسى ارقىلى تۇسۋشىلەرگە 3 903 گرانت بولىنگەن. گرانتتار تىزىمىندە 5 000 حالىق تىعىز قونىستانعان جانە باتىس وڭىرلەردىڭ جاستارىن جەتەكشى جوعارى وقۋ ورىندارىندا وقىتۋ ءۇشىن ماقساتتى ءبىلىم بەرۋ گرانتتارى بار.
تالاپكەرلەردىڭ باسىم بولىگى, اتاپ ايتقاندا 42 مىڭ بالا ستۋدەنتتىك جىلدارىن الماتى قالاسىندا وتكىزۋدى جوسپارلاپ وتىر. ال ەلورداداعى وقۋ ورىندارىنا تۇسۋگە 22 مىڭ تالاپكەر نيەت بىلدىرگەن, 6,5 مىڭ ادام شىمكەنتتەگى جوعارى وقۋ ورىندارىن تاڭداعان.
ەسكە سالا كەتەيىك, گرانت يەگەرلەرىنىڭ ءتىزىمى 10 تامىزعا دەيىن عىلىم جانە جوعارى ءبىلىم مينيسترلىگىنىڭ رەسمي سايتى مەن الەۋمەتتىك جەلىلەرىندە, www.testcenter.kz سايتىندا (ۇتو رەسمي سايتى) جانە TESTCENTERKZ تەلەگرام پاراقشاسىندا جاريالانادى.
