فوتو:7-su.kz
قر ونەركاسىپ جانە قۇرىلىس مينيسترلىگىنىڭ حابارلاۋىنشا, قۇرىلىس سەكتورىنداعى مەملەكەتتىك قىزمەتتەردى كورسەتۋدەگى باستى ماسەلە – بەرىلگەن قۇجاتتار مەن بەكىتىلگەن باس جوسپارلارىنىڭ سايكەس كەلمەۋى.
اكىمدىكتەردە قۇرىلىس جوبالارى مەن وعان قاتىستى قۇجاتتاردىڭ شاشىراڭقى, تسيفرلانباعان بازاسى بولعان. بۇرىن ساۋلەت-جوسپارلاۋ تاپسىرماسىن جانە الدىن الا جوبالاردى بەرۋ پروتسەسى باس جوسپارداعى مەتادەرەكتەردى جانە «e-license» جۇيەسىندەگى جوسپارلارىن تەكسەرۋمەن ءوزارا بايلانىستى ەمەس ەدى. ساۋلەت-جوسپارلاۋ تاپسىرماسىنىڭ بولىگى رەتىندە تەحنيكالىق شارتتاردى بەرۋ فايلدار قوسا بەرىلگەن قاعاز تۇرىندە جۇزەگە اسىرىلادى جانە ب ۇلىڭعىر ەكەنىن اتاپ ءوتتى.
«مەملەكەتتىك قالالىق كاداستر» اقپاراتتىق جۇيەسى باس جوسپار دەرەكتەرىن فورماتتىق-لوگيكالىق باقىلاۋعا جانە ارحيتەكتۋرالىق جوسپارلاۋ تاپسىرماسىن بەرۋ كەزىندە ەگجەي-تەگجەيلى جوسپارلاۋ, جۇيەلىك دەرەكتەردى تەكسەرۋ جانە بيزنەس-پروتسەستەردى اۆتوماتتاندىرۋ ارقىلى جوبالارعا تەحنيكالىق سيپاتتامالار بەرۋگە مۇمكىندىك بەرەدى», دەدى ۆيتسە-مينيستر وكق الاڭىندا.
جاننات ءدۇبيروۆانىڭ ايتۋىنشا, پلاتفورمادا مەملەكەتتىك ورگانداردىڭ اقپاراتتىق جۇيەلەرىنىڭ ارحيتەكتۋراسىندا قالا قۇرىلىسى جوبالارىنىڭ تسيفرلىق دەرەكتەرى, باستاپقى رۇقسات بەرۋ قۇجاتتارى, وبەكتىلەردى پايدالانۋعا قابىلداۋ اكتىلەرى تىركەلگەن. جۇيەنى وسى جىلدىڭ 1 قىركۇيەگىندە ىسكە قوسۋ جوسپارلانىپ وتىر.
ايتا كەتەيىك, جىل باسىندا مەملەكەتتىك قىزمەتتەردى تسيفرلاندىرۋ جونىندەگى ۆەدومستۆوارالىق كوميسسيا «مەمقالاكاداستر» رمك جۇيەسى ارقىلى باستاپقى رۇقسات بەرۋ قۇجاتتاماسىن بەرۋ جانە الدىن الا جوبالاردى كەلىسۋ بويىنشا مەملەكەتتىك قىزمەتتەردى بەرۋدى قولداعان ەدى.
مينيسترلىكتىڭ حابارلاۋىنشا, مالىمەتتەردى ءبىر اقپاراتتىق جۇيەدە جيناقتاۋ حالىقتى جانە بيزنەستى بەكىتىلگەن قالا قۇرىلىسى رەگلامەنتتەرىنە سايكەس ەلدى مەكەندەر اۋماقتارىن دامىتۋ تۋرالى وزەكتى مالىمەتتەرمەن قامتاماسىز ەتۋگە, زاڭسىز تولتىرۋ ماسەلەسىن شەشەدى جانە حالىقتى قامتاماسىز ەتۋدە اشىق شەشىمدەر قابىلداۋعا مۇمكىندىك بەرەتىنىن ەسكەرگەن ءجون.
