فوتو: istockphoto.com
قاراجات ورال قالاسىنداعى ەكى جىلۋ ماگيسترالىن رەكونسترۋكتسيالاۋعا بولىنەدى. ولار تاۋەكەلدىڭ «قىزىل ايماعىنداعى» 19 جىلۋ كوزىنىڭ تىزبەسىنە كىرەدى. مەملەكەت باسشىسى ۇكىمەتكە ولاردى باسىم تارتىپپەن جاڭعىرتۋدى تاپسىرعان ەدى.
پرەمەر-مينيستر بيىل اقپان ايىندا وڭىرگە جۇمىس ساپارى بارىسىندا اكىمدىككە كوپ كىدىرتپەي رەكونسترۋكتسيالاۋدى تالاپ ەتەتىن جىلۋمەن قامتۋ نىساندارى بويىنشا قۇجاتتاما دايىنداۋدى تاپسىرۋى بويىنشا تم-5 جانە تم-2 جىلۋ ماگيسترالدارى بويىنشا جوبالار دايىندالعان.
ورال قالاسىنداعى ۇزىندىعى 1,6 شاقىرىم بولاتىن تم-5 جىلۋ ماگيسترالى 1987 جىلى پايدالانۋعا بەرىلگەن, ونىڭ توزۋى 80%-دى قۇرايدى. جوندەۋ جۇمىستارىنا 574 ملن تەڭگەگە جۋىق قارجى ءبولىندى. ەكىنشى جوبا 4 شاقىرىم تم-2 جىلۋ ماگيسترالىن رەكونسترۋكتسيالاۋدى قامتيدى, ونىڭ توزۋ دەڭگەيى – 75%. جوبانى 4,3 ملرد تەڭگە كولەمىندە قارجىلاندىرۋ كوزدەلگەن.
اتالعان ەكى ۋچاسكەدە دە كۇردەلى جوندەۋ بۇرىن-سوڭدى جۇرگىزىلمەگەن.
بولىنگەن قاراجات 106 كوپقاباتتى ءۇي مەن 20-عا جۋىق الەۋمەتتىك نىساندى, ياعني 24 مىڭ ابونەنتتى, بالاباقشالار, مەكتەپتەر, كوللەدجدەر, اۋرۋحانالار مەن ەمحانالاردى ۇزدىكسىز جىلۋمەن قامتاماسىز ەتۋگە مۇمكىندىك بەرمەك.
