فوتو: polisia.kz
قولعا تۇسكەندەردىڭ 28-ءى وزگە مەملەكەت ازاماتتارى ەكەنى انىقتالدى. ولار سۇراۋ سالعان مەملەكەتتەردە زاڭسىز ارەكەتى ءۇشىن ىزدەۋدە بولعان.
ماسەلەن, الماتىدا ۇستالعان وزبەكستان ازاماتى كورشى مەملەكەتتىڭ ۆەتەريناريا جانە مال شارۋاشىلىعىن دامىتۋ كوميتەتى بولگەن 400 ملن تەڭگەدەن استام سۋبسيديانى جىمقىردى دەپ كۇدىككە ىلىنگەن.
ماڭعىستاۋ پوليتسەيلەرى جاڭاوزەن تۇرعىنىنا دەنە جاراقاتىن كەلتىرگەن بۇزاقىنى دا ۇستادى.
كۇدىكتىلەر ۋاقىتشا ۇستاۋ يزولياتورىنا قامالدى.
حالىقارالىق كەلىسىم نەگىزىندە ەل پوليتسەيلەرى شەتەلدە بوي تاسالاپ جۇرگەندەردى دە تاپتى. ماسەلەن, ماسكەۋ وبلىسىنىڭ حيمكي قالاسىندا رەسەيلىك ارىپتەستەرمەن بىرلەسىپ جەدەل-ىزدەستىرۋ ءىس-شارالارىن وتكىزۋ كەزىندە قازاقستان ازاماتتارى قولعا ءتۇستى. ولار وتكەن جىلدىڭ قاڭتار ايىندا شىمكەنتتە جەرگىلىكتى تۇرعىنداردى ۇرىپ-سوققان. جابىرلەنۋشىلەردىڭ ءبىرى العان جاراقاتتارىنان كوز جۇمعان. بۇل ءىس بويىنشا بارلىق كۇدىكتىلەر ۇستالدى.
ولاردى ەلگە ەكستراديتسيالاۋ بويىنشا ماسەلە قارالىپ جاتىر.
سونداي-اق جەدەل شارا اياسىندا حابار-وشارسىز كەتكەن 115 ادامنىڭ ورنالاسقان جەرى بەلگىلى بولدى.
