ول بۇعان دەيىنگى تورتجىلدىق دودالاردا باستاپقى كەزەڭدەردەن ءارى اسىپ كورمەگەن. سولت-لەيك-سيتيدە ول شيرەك فينالدا ءتورتىنشى بولىپ مارە سىزىعىن قيعان ەدى. بىراق ءبىرىنشى كەلگەن سپورتشىنىڭ جارىستان شىعۋىنا بايلانىستى برەبەري جارتىلاي فينالعا ءوتىپ كەتتى. ال جارتىلاي فينالدا سوڭعى بولىپ كەلە جاتقان اۋستراليالىق سپورتشى الدىنداعى شورت-ترەكشىلەردىڭ ءبىر-بىرىنە سوقتىعىسۋىنا بايلانىستى مارەگە ەكىنشى بولىپ جەتتى. ءدال وسى جاعداي فينالدا دا قايتالاندى. جارىس بارىسىندا بارلىق قارسىلاسىنىڭ قۇلاۋى, برەدبەريدىڭ التىننان القا تاعۋىنا كەرەمەت مۇمكىندىك اشتى. ەشقانداي كۇش سالۋسىز-اق التىن الۋعا بولاتىنىن كورسەتكەن سپورتشىعا بايلانىستى ءوز ەلىندە ءتىپتى «برەدبەريشە قيمىلداۋ» دەگەن تىركەس تە قالىپتاسقان.
