ۇزدىكتەر قاتارىندا: قازاقستاننىڭ «ab.ai», «Alaqan», «Beksar», «biny.co», «Car Parking Multiplayer», «CheckDoc», «Courstore», «Grand Mobile», «kook», «Prometei مەن WeGlobal.a», وزبەكستاننىڭ «Al Chiroq پەن UYSOT» جوبالارى, قىرعىزستاننىڭ «Neobis», سونداي-اق موڭعوليانىڭ «Lambda Global» ستارتابى بار. ايتا كەتەيىك, اتالعان باعدارلاما ورتالىق ازيا ەلدەرىنەن, ازەربايجاننان, گرۋزيادان, سونداي-اق موڭعوليادان كەلگەن ستارتاپتارعا عانا قولجەتىمدى.
جۇزدەن جۇيرىك دەپ تانىلعان ستارتاپتار ءوز جوبالارىن تانىستىرىپ, الداعى جوسپارلارىن تالقىلاعان ءداستۇرلى «Opening Day» ءىس-شاراسىنا تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ, «Google for Startups» ساراپشىلارى اسقار ايتۋوۆ پەن ولگا سكوروحودوۆا, باعدارلامانىڭ جەتەكشى ترەكەرى دميتري بەزنوسيۋك, سونداي-اق ەلىمىزدىڭ IT-قاۋىمداستىق وكىلدەرى قاتىستى.
«قازاقستانعا, كاسىپكەرلەر مەن ستارتاپتارعا ارنالعان مۇنداي اۋقىمدى ءارى ماڭىزدى باستاما ءۇشىن سەرىكتەستەرىمىز بەن «Google for Startups «كومپانياسىنا العىس ايتقىم كەلەدى. باعدارلامانىڭ جەتىستىكتەرى بارشىلىق. اتاپ ايتساق, 1300-دەن استام جەدەل ىسكە قوسىلعان جوبا, $400 ميلليوننان استام سوماعا باعالانعان 50-گە جۋىق ستارتاپ, سونداي-اق قاتىسۋشىلار تارتقان $26 ميلليون كولەمىندەگى ورتاق ينۆەستيتسيا. بۇل – اتالعان باعدارلامانىڭ اۋىز تولتىرىپ ايتارلىقتاي ۇلكەن ناتيجەسى ءارى باستاماسى عانا. مينيسترلىك تاراپىنان مۇنداي جوبالارعا قولداۋ كورسەتىپ, ۇيىمداستىرۋعا قاجەتتى بارلىق ينفراقۇرىلىمدى قامتاماسىز ەتۋگە ۇمتىلامىز», دەدى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ.
جاڭا لەكتىڭ اشىلۋ سالتاناتىندا ءسوز سويلەگەن «Google» كومپانياسىنىڭ ورتالىق ازيا جانە زاكاۆكازەدەگى ۇكىمەتپەن ءوزارا ءىس-قيمىل ماسەلەلەرى جونىندەگى ءبولىم باسشىسى ولگا سكوروحودوۆانىڭ ايتۋىنشا, «Astana Hub» جانە «Google for Startups» بىرلەسكەن باعدارلاماسى «Silkway Accelerator» ورتالىق ازيادا وتكىزىلەتىن جوبالار اراسىندا كوشباسشى بولىپ قالا بەرمەك.
«بۇگىنگى تەحنولوگيانى ءاربىرىمىز بەتپە-بەت كەلەتىن الەۋمەتتىك ءارى ەكونوميكالىق ماسەلەلەردى شەشۋدە پايدالانۋ كەرەك دەپ سانايمىز. «Astana Hub»-تاعى ارىپتەستەرىمىزگە سەرىكتەستىك ءۇشىن شەكسىز ريزاشىلىعىمىزدى بىلدىرەمىز. قازاقستان ورتالىق ازيادا تسيفرلىق تەحنولوگيالار سالاسىندا كوش باستاۋعا قاجەتتى ارتىقشىلىققا يە ەكەنىنە كۇمانىمىز جوق. سوندىقتان جاھاندىق كومپانيا رەتىندە وڭىردە تەحنولوگيالىق يننوۆاتسيالاردى ەنگىزىپ جاتىرمىز», دەدى ولگا سكوروحودوۆا.
ايتا كەتەيىك, «Silkway Accelerator» بارىسىندا ستارتاپتىڭ ەكى قاتىسۋشىسىنا تۇرعىن ءۇي, حالىقارالىق قاتىسۋشىلار ءۇشىن ۆيزالىق قولداۋ, سونداي-اق «Google for Startups» پەن «Astana Hub»-تان وقىتۋ مەن تالىمگەرلىك قامتىلعان. وقىتۋ استانا قالاسىندا وفلاين فورماتتا وتەدى. تەحنولوگيالىق جوبالار 3 اي بويى Google-دىڭ ۇزدىك ساراپشىلارى وتكىزەتىن شەبەرلىك ساعاتتار مەن تالىمگەرلىككە تەگىن قول جەتكىزە الادى. قاتىسۋشىلار ءتيىمدى بيزنەس-ۇدەرىستەردى مەڭگەرەدى, ماسشتابتاۋدى, سەرىكتەستىك بايلانىستاردى ورناتۋدى, سونداي-اق ينۆەستيتسيا تارتۋدى ۇيرەنەدى.
ەسكە سالساق, قازاقستان – ورتالىق ازياداعى «Google for Startups» جاھاندىق كومپانياسىمەن بىرگە اكسەلەراتور جۇرگىزەتىن ءبىرىنشى جانە جالعىز مەملەكەت. «Silkway Accelerator» بىرلەسكەن باعدارلاماسىنىڭ تيىمدىلىگى مەن ونىمدىلىگىن ەسكەرە وتىرىپ, Google for Startups Astana Hub-پەن سەرىكتەستىگىن جالعاستىرا بەرەدى. «Google for Startups» – 2011 جىلى Google كورپوراتسياسى ىسكە قوسقان ستارتاپ باعدارلاماسى. ول 125 ەلدەگى 50-دەن استام كوۆوركينگ پەن اكسەلەراتوردان تۇرادى جانە تەحنولوگيالىق كاسىپكەرلەر ءۇشىن پراكتيكالىق ساباقتار ۇسىنادى.
