فوتو: pxhere.com
جارالى ادام ارىپتەسى ءوزىن ءولتىرىپ قويماس ءۇشىن ۇستەل ۇستىنە قۇلاپ, ىڭىرسىعان دىبىس شىعارىپ, ولگەن كەيىپ تانىتقان. كەيىن پىشاق پەن سوققى جاساعان ەر ادام ىشىمدىك ىشكەن سەرىگىن ءولدى دەپ ويلاپ, قىلمىس ورنىنان كەتىپ قالعان. جارالى ازامات امان قالىپ, 112-گە حابارلاسىپ, موينىنداعى جارانى قولىمەن جاۋىپ, كومەك كۇتكەن.
ناتيجەسىندە, 41 جاستاعى جۇمىسشىعا ادام ولتىرۋگە وقتالعان دەگەن ايىپ تاعىلدى.
ونىڭ ايتۋىنشا, ادام ءولتىرۋ ماقساتى بولماعان, ءجاي عانا قورقىتقىسى كەلگەنىن, بىراق ەر ادام قۇلاعان كەزدە قورقىپ كەتكەنىن ايتتى. سونداي-اق ول قىلمىس ورنىنان قاشپاي, تەمەكى ساتىپ الۋ ءۇشىن دۇكەنگە بارعانىن, قايتىپ كەلگەندە پوليتسيا قىزمەتكەرلەرى وقيعا ورنىندا بولعانىن ءتۇسىندىردى. ول سوتتان جەڭىل جازا سۇراپ وتىر.
جابىرلەنۋشى ايىپتالۋشىنى كەشىرىپ, وعان ەشقانداي تالاپ قويمادى.
سوت ايىپتالۋشىنىڭ شىنىمەن دە كىسى ولتىرۋگە وقتالعانىن انىقتاپ, ونى 11 جىلعا باس بوستاندىعىنان ايىرۋ جازاسىن قاتاڭ رەجيمدەگى كولونيادا وتەۋگە ۇكىم ەتتى.
ايتا كەتەيىك, سوتتالۋشى قاساقانا كىسى ولتىرگەنى ءۇشىن بۇعان دەيىن دە سوتتى بولعان.
