فوتو:https://www.facebook.com/dauren.seitzhanuly
بۇگىندە ەلىمىزدە 400 مىڭنان استام لۋدومان بار. بۇل 400 مىڭنان استام وتباسىنىڭ عانا ەمەس, مەملەكەتتىڭ باستى الەۋمەتتىك دەرتىنە اينالدى. وسى ورايدا جۋرناليست داۋرەن سەيىتجان ۇلى جەلىدە پىكىر ءبىلدىردى.
«ەندى جاڭا زاڭنان كەيىن ءباس تىگەتىندەردىڭ قاتارى ازايادى. سەبەبى, بورىشكەرلەردىڭ بىرىڭعاي تىزىلىمىنە ەنگەن ادامدار قۇمار ويىن ويناي المايدى. مەملەكەتتىك قىزمەتتە, قۇقىق قورعاۋ ورگاندارىندا ىستەيتىندەردىڭ دە ءباس تىگۋىنە تىيىم سالىندى. سونىمەن قاتار بۋكمەكەرلىك كەڭسەلەر مەن توتاليزاتورلاردىڭ جارنامالارىنا شەكتەۋ قويىلدى. تەك سپورتقا بايلانىستى ءىس-شارالار مەن مەديادا عانا جارنامالاۋعا رۇقسات بەرىلدى», دەپ جازدى جۋرناليست داۋرەن سەيىتجان ۇلى Facebook پاراقشاسىندا.
ونىڭ پىكىرىنشە, جاڭا زاڭنىڭ قابىلدانۋى لۋدومانياعا قارسى جۇيەلى ءارى ءتيىمدى كۇرەس جۇرگىزۋگە نەگىز بولادى.
