فوتو: gov.kz
مينيسترلىكتىڭ ءباسپاسوز قىزمەتى ءمالىم ەتكەندەي, بوكستان لەيتەنانت ساكەن بيبوسىنوۆ, مەرزىمدى قىزمەتتەگى قاتارداعى جاۋىنگەر مۇحاممەدسابىر بازارباي ۇلى جانە قارۋلى كۇشتەردىڭ قىزمەتشىسى ماحمۇد سابىرحان, گرەك-ريم كۇرەسىنەن كىشى سەرجانت ايدوس سۇلتانعالي, قاتارداعى جاۋىنگەر ءالىمحان سىزدىقوۆ, قارۋلى كۇشتەردىڭ قىزمەتشىلەرى دەمەۋ جابراەۆ پەن نۇرسۇلتان تۇرسىنوۆ, سپورتتىق گيمناستيكادان – قك قىزمەتشىلەرى ناريمان قۇربانوۆ, زاماناۋي بەسسايىستان – قك قىزمەتشىسى ەلەنا پوتاپەنكو, وق اتۋدان – كىشى سەرجانت اسەم ورىنباي جانە قك قىزمەتشىسى يسلام ساتباەۆ, تحەكۆوندودان – قك قىزمەتشىلەرى سوميرحون اباباكيروۆ جانە باتىرحان تولەۋعالي, سپورتتىق الپينيزم بويىنشا – قك قىزمەتشىسى ءامىر مايمۇراتوۆ, بادمينتوننان – قك قىزمەتشىسى دميتري پانارين, دزيۋدودان – اعا لەيتەنانت عۇسمان قىرعىزباەۆ, قاتارداعى جاۋىنگەرلەر دانيار شامشاەۆ, ابىلايحان جۇبانازار جانە قك قىزمەتشىسى كاميلا بەرلىقاش, بايداركا ەسۋدەن – قك قىزمەتشىسى سەرگەي توكارنيتسكي وليمپيادا ويىندارىنا اتتانىپ, جۇلدەلى ورىندارعا تالاسادى.
ايتا كەتسەك, اسكەر سپورتشىلارى 2016 جىلى ريو-دە-جانەيرو وليمپياداسىنا 8 ليتسەنزيا السا, 2021 جىلى توكيوعا – 18, ال بيىل پاريجگە – 20 ليتسەنزيا جەڭىپ الدى.
قازىرگى ۋاقىتتا قورعانىس مينيسترلىگىنىڭ سپورت كوميتەتى – ورتالىق سپورت كلۋبىندا 20-عا جۋىق سپورت ءتۇرى كەڭ دامىپ كەلەدى. 180-نەن اسا ارميالىق ساڭلاق بىرنەشە سپورت تۇرىنەن ۇلتتىق قۇراماعا ەنگەن. جىل باسىنان بەرى ارميا قورجىنىنا 204 مەدال سالىنعان: ونىڭ – 91-ءى التىن, 52-ءسى كۇمىس, 61-ءى قولا.
