فوتو: Informburo.kz
ءبىرىنشى سىنىپقا وقۋشىلاردى قابىلداۋ بويىنشا اقمولا, الماتى, جەتىسۋ, پاۆلودار وبلىستارى 100 پايىز كورسەتكىشكە قول جەتكىزگەن. الدىن الا بولجام بويىنشا, 2024 جىلدىڭ 31 جەلتوقسانىنا دەيىن 6 جاسقا تولاتىن بالالار سانى 370 مىڭنان اسادى, وسىلايشا ولاردىڭ ءبىرىنشى سىنىپقا بارۋعا تولىق مۇمكىندىگى بار.
«ازاماتتارعا قولايلى بولۋ ءۇشىن قىزمەت كورسەتۋ تولىعىمەن اۆتوماتتاندىرىلعان. اتا-انالار مەن بالالاردىڭ زاڭدى وكىلدەرى ءوز وتىنىمدەرىن ەgov.kz ەلەكتروندى پورتالىندا, سونداي-اق جەرگىلىكتى اتقارۋشى ورگانداردىڭ اقپاراتتىق جۇيەلەرى ارقىلى تاپسىرا الادى», دەلىنگەن مينيسترلىك حابارلاماسىندا.
ءبىرىنشى سىنىپقا بالالار 6 جاستان باستاپ اتا-اناسىنىڭ نەمەسە بالانىڭ زاڭدى وكىلىنىڭ ءوتىنىشى نەگىزىندە قابىلدانادى. وتىنىمدەر دەمالىس پەن مەرەكە كۇندەرىنەن باسقا, دۇيسەنبىدەن جۇماعا دەيىن قابىلدانادى.
