فوتو: الماتى وبلىسىنىڭ اكىمدىگى
بۇگىنگى ەكولوگيالىق ءىس-شارالارعا الماتى وبلىسىنىڭ جۇزدەگەن تۇرعىنى جينالدى, ولاردىڭ اراسىندا جەرگىلىكتى اتقارۋشى ورگانداردىڭ وكىلدەرى, قوعامدىق ۇيىمدار, بەلسەندىلەر مەن ەرىكتىلەر دە بار.
اكتسيانىڭ باستى ماقساتى - قورشاعان ورتانى تازا جانە كورىكتى ەتۋ, ەكولوگيالىق ماسەلەلەردى باستى نازارعا الىپ, تابيعاتتى قورعاۋ.
جامبىل اۋدانىندا «تازا قازاقستان» رەسپۋبليكالىق اكتسياسى اياسىندا جاستار, كاسىپورىن قىزمەتكەرلەرى مەن اۋدان تۇرعىندارىنىڭ قاتىسۋىمەن قارعالى وزەنىنىڭ جاعالاۋىندا تازالىق جۇمىستارى جۇرگىزىلىپ, اينالاسى قوقىستان تازارتىلدى. اتالعان ءىس-شاراعا جۇزدەگەن تۇرعىن قاتىسىپ, وزەن جاعالاۋىنىڭ تازارۋىنا ۇلەس قوستى.
جىل باسىنان بەرى «تازا قازاقستان» اكتسياسى اياسىندا 7 مىڭنان استام ادامنىڭ, 369 كاسىپورىندار, ۇيىمدار مەن مەكەمەلەردىڭ قاتىسۋىمەن 100 اۋلا, 65 كوپقاباتتى تۇرعىن ءۇي, 44 جەكە تۇرعىن ءۇي, 14 ساياباق پەن الاڭ, 7 تاريحي مادەني ەسكەرتكىش, 211 الەۋمەتتىك نىسان, 8 ونەركاسىپ جانە بيزنەس وبەكتىسى, 155 شارشى مەتر وزەن جاعالاۋى مەن 121 مەتر ارىق بويى تازالانىپ, 9 جۇك كولىگىنىڭ تاسىمالداۋىمەن 15 توننا قاتتى تۇرمىستىق قالدىقتار شىعارىلدى.
جوعارىدا اتالعان اۋداندا 29 ماۋسىم كۇنى 1 569 ادامنىڭ, 64 كاسىپورىندار, ۇيىمدار مەن مەكەمەلەردىڭ قاتىسۋىمەن 11 اۋلا, 9 كوپقاباتتى تۇرعىن ءۇي, 3 ساياباق پەن الاڭ, 4 تاريحي مادەني ەسكەرتكىش, 65 الەۋمەتتىك نىسان, 5 ونەركاسىپ جانە بيزنەس وبەكتىسى, 35 شارشى مەتر وزەن جاعالاۋى جانە 27 مەتر ارىق بويى تازالانىپ, 9 جۇك كولىگىنىڭ تاسىمالداۋىمەن 3 توننا قاتتى تۇرمىستىق قالدىقتار شىعارىلدى.
رايىمبەك اۋدانى نارىنقول اۋىلدىق وكرۋگىنىڭ تۇرعىندارى بايىنقول وزەنىنىڭ ارناسىن تازارتۋ بويىنشا سەنبىلىككە شىقتى. ەكولوگيالىق ءىس-شاراعا 50-دەن استام ادام قاتىستى, تازارتۋ جۇمىستارىنا 1 ساموسۆال, 1 تراكتور جۇمىلدىرىلدى.
رايىمبەك اۋدانىندا جىل باسىنان بەرى «تازا قازاقستان» اكتسياسى اياسىندا 24 000 ادام, كاسىپورىندار, ۇيىمدار مەن مەكەمەلەردىڭ قاتىسۋىمەن 467 اۋلا, 1000 جەكە تۇرعىن ءۇي, 11 ساياباق پەن الاڭ, 42 تاريحي مادەنيەت ەسكەرتكىشى, بيزنەس نىساندارى, وزەن جاعالاۋى مەن ارىقتىڭ 286 700 شارشى مەترى تازالانىپ, 185 جۇك كولىگىنىڭ تاسىمالداۋىمەن 310 توننا قاتتى تۇرمىستىق قالدىق شىعارىلدى.
اكتسيا سوڭىندا قاتىسۋشىلارعا اشىق اۋادا فلەشموب ۇيىمداستىرىلدى, وعان ءار ءتۇرلى تاقىرىپتاعى ءۇش كوماندانىڭ جارىستارى كىردى. بۇل ءىس-شارالارعا 150-دەن استام ادام قاتىستى. قورىتىندىسى بويىنشا قاتىسۋشىلارعا سىيلىقتار تابىستالدى. سونداي-اق بۇل وڭىرلەردە ەكولوگيالىق ساۋاتتى ارتتىرۋ جانە قوعامدىق ورىنداردا تازالىقتى ساقتاۋ ماقساتىندا «تازالىق ساقتايىق» اتتى چەللەندج ۇيىمداستىرىلدى.
«تازا قازاقستان» رەسپۋبليكالىق اكتسياسىنا مەملەكەتتىك مەكەمەلەر مەن جەكە ۇيىمدار, شارۋا قوجالىقتارى, جاستار, ۆولونتەرلىك جانە ۇكىمەتتىك ەمەس ۇيىمدار, ءماسليحات دەپۋتاتتارى تارتىلدى. وبلىس بويىنشا بارلىعى 450 مىڭ ادام قاتىستى, 850-دەن استام ەسكەرتكىش پەن مۇراجاي تازارتىلدى, 19 506 توننا قوقىس شىعارىلدى, 45 مىڭنان استام اعاش پەن بۇتالار وتىرعىزىلدى, 2304 بىرلىك مامانداندىرىلعان تەحنيكا تارتىلدى. وبلىستىڭ 340 مىڭ وقۋشىسىنىڭ قاتىسۋىمەن ء«وز اعاشىڭدى وتىرعىز» اكتسياسى ۇيىمداستىرىلدى.
