فوتو: liter.kz
الماتى, استانا جانە شىمكەنت قالالارى جالپى ىشكى تۋريستەر ۇلەسىنىڭ 46%-ىن تارتا وتىرىپ, ىشكى تۋريستىك باعىتتار اراسىندا كوشباسشى اتاندى.
وتكەن جىلدىڭ ءبىرىنشى توقسانىمەن سالىستىرعاندا قازاقستاننىڭ 14 وڭىرىندە تۋريستەر سانى ءبىرشاما وسكەنى بايقالدى. اسىرەسە, 187%-عا ءوسىم كورسەتكەن باتىس قازاقستان وبلىسى ەرەكشە كوزگە ءتۇسىپ وتىر.
«2024 جىلدىڭ ءبىرىنشى توقسانىندا ىشكى تۋريزم كورسەتكىشتەرىنىڭ ايتارلىقتاي وسكەنىن كورىپ وتىرمىز. بۇل - تۋريستىك ينفراقۇرىلىم مەن قىزمەت كورسەتۋ ساپاسىن جاقسارتۋ باعىتىنداعى ماقساتتى جۇمىسىمىزدىڭ ناتيجەسى. ءبىز قازاقستاندى الەمنىڭ تۇكپىر-تۇكپىرىنەن كەلگەن تۋريستەر ءۇشىن ودان دا تارتىمدى ەتۋگە تىرىسامىز. سونداي-اق ىشكى ساياحاتتار ءۇشىن قولايلى جاعداي جاساي وتىرىپ, وسى سەكتوردى سەرپىندى دامىتۋدى جالعاستىرامىز», دەدى تۋريزم يندۋسترياسى كوميتەتىنىڭ توراعاسى نۇرتاس كارىپباەۆ.
