فوتو:اشىق دەرەككوز
ۋستينكا LIVE باسىلىمىنىڭ حابارلاۋىنشا, قايعىلى وقيعا 2 شىلدەدە چەرەمشانكا اۋدانىندا بولعان. كەلىنشەك اتقا ءمىنىپ كەلە جاتقان, جاقىن ماڭدا تاعى ءبىر جىلقى بولعان. ءبىر كۇن بۇرىن ايماقتا اۋا-رايى كۇرت ناشارلاپ, جاڭبىر جاۋىپ, نايزاعاي ويناعان.
«نايزاعاي ات ۇستىندەگى ايەلگە ءتيىپ كەتكەن. سالدارىنان كەلىنشەك كوز جۇمدى», دەپ جازدى ۋستينكا LIVE.
شقو پوليتسيا دەپارتامەنتىنىڭ ءباسپاسوز قىزمەتى ايەلدىڭ قايتىس بولۋ فاكتىسى بويىنشا ساراپتاما تاعايىندالعانىن مالىمدەدى.
ەسكە سالا كەتەيىك, 28 ماۋسىم كۇنى اتىراۋ وبلىسى, قىزىلقوعا اۋدانى, ميالى اۋىلىندا وزبەكستان ازاماتىن نايزاعاي سوعىپ, قايتىس بولعانى بەلگىلى بولعان ەدى.
