عيماراتتىڭ قۇرىلىسى 2007 جىلى اياقتالعان. نەگىزىنەن وسى ورتالىقتىڭ باستى ماقساتى تەك قىتاي حالقىنىڭ عانا ەمەس, سونداي-اق شەتەلدەن كەلگەن قوناقتاردىڭ نازارىن اۋدارتۋ ەدى. ەرەكشە ديزاينىنىڭ ارقاسىندا جوبا ءوز ماقساتىنا جەتتى دەسەك تە بولادى. عيمارات ءمولدىر اينەكتى سكريپكادان جانە كۇيساندىق پىشىنىندەگى ەكى بولىكتەن قۇرالعان. ءبىر قىزىعى, ونىڭ اۋەن, ىرعاققا ەشبىر قاتىسى جوق. مۇندا قالالاردىڭ دامۋ جوسپارى مەن كەلەشەكتەگى وزگەرىستەرىنە قاتىستى كورمە ورتالىعى ورنالاسقان.
استارلى عيمارات
MahaNakhon – تايلاندتاعى ەڭ بيىك عيمارات. ونىڭ اتاۋى تاي تىلىنەن اۋدارعاندا «مەگاپوليس» دەگەن ماعىنانى بىلدىرەدى.
ءزاۋلىم عيماراتتىڭ ىشىندە بىرنەشە ساۋدا, بيزنەس ورتالىعى مەن «Ritz-Carlton Residences» قوناقۇيى بار. سىرتىنان قاراعاندا عيماراتتىڭ قۇرىلىسى ءالى اياقتالماعانداي كورىنەدى. بىراق ونىڭ دا ءوز سەبەبى بار ەكەن. «بۇل – ەلدەگى جەمقورلىقتىڭ بەلگىسى سەكىلدى», دەيدى عيماراتتىڭ ساۋلەتشىسى ولە شەرەن.
الىپ سەبەت
اقش-تىڭ وگايو شتاتىندا قىزىقتى ارحيتەكتۋرالىق قۇرىلىم بار. بۇل ءۇي «Longaberger» اتتى سەبەت توقۋ كومپانياسىنا تيەسىلى.
شتاب-پاتەردىڭ قۇرىلىس جوباسىن كومپانيانىڭ يەسى دەيۆ لونگابەرگەرۋ ءوزى ويلاپ تاپقان. وسىلايشا, توقىلعان سەبەتتەر شىعاراتىن جەرگىلىكتى زاۋىت كرەاتيۆتى ديزايننىڭ ارقاسىندا تەز تانىمال بولدى. ايتا كەتەيىك, 180 مىڭ شارشى مەتردى الىپ جاتقان الىپ سەبەت ءۇيى 1997 جىلى سالىنعان.
