فوتو: dknews.kz
ەلوردالىق جاستارعا ارنالعان باسقوسۋعا استانا قالاسى جاستار ساياساتى ماسەلەلەرى باسقارماسى جانە «استانا جاستارى» جاستار رەسۋرستىق ورتالىعى ۇيىتقى بولدى.
«بۇل كەزدەسۋ جۋرناليستەر كۇنىنە وراي ءوتىپ جاتىر. حالىقتىڭ تىرشىلىگىنەن, الەۋمەتتىك ءال-اۋقاتىنان, رۋحانياتى مەن قوعام تىنىسىنان حابار تاراتىپ, قالام سەرمەپ جۇرگەنىمە, مىنە 25 جىل تولدى. ءالى دە ءبىلىم-بىلىگىمدى شىڭداپ كەلەمىن. تاياۋدا عانا گەرمانيادا الەمنىڭ تۇكپىر-تۇكپىرىنەن كەلگەن جۋرناليستەرمەن تاجىريبە الماستىق. كەزدەسۋدە قازىرگى جۋرناليستيكانىڭ الەۋەتى مەن مەدياداعى ترەندتەردى, اقپارات تاراتۋداعى زاماناۋي قاعيداتتاردى تالقىلادىق. اسىرەسە قاتىسۋشىلارمەن جاساندى ينتەللەكتىنىڭ مۇمكىندىكتەرى تۋرالى وي ءبولىستىم», دەيدى ماحاببات ەسەن.
2020 جىلدان بەرى ۇيىمداستىرىلىپ كەلە جاتقان «Jastar talks» جوباسىنىڭ باستى ماقساتى – ءتۇرلى سالانىڭ ۇزدىك وكىلدەرىمەن پىكىر الىسىپ, تاجىريبە الماسۋ. سپيكەر رەتىندە جاستاردى ىنتالاندىرۋ ءۇشىن ەلىمىزگە تانىمال سپورتشىلار, بلوگەرلەر, مەديا تۇلعالار جانە تاعى باسقالارى شاقىرىلادى.
ء«ىس-شارا تانىمدىق ەمەس, موتيۆاتسيالىق باعىتتا بولدى. سپيكەر ءوز ماماندىعىنىڭ قىر-سىرىن ءتۇسىندىردى. جاستاردىڭ بولاشاق جۇمىسى تۋرالى تۇسىنىگى بولۋى جانە ولاردىڭ قاي جەردە دامىعىسى كەلەتىنىن الدىن الا انىقتاۋ ماڭىزدى ەكەنى ايتىلدى. بۇعان دەيىن مەن ءماجىلىس دەپۋتاتىمەن ساياسي سالا تۋرالى اڭگىمەلەگەن كەزدەسۋلەرگە قاتىستىم», دەيدى «استانا جاستارى» ەرىكتىسى فەدور ەرمولەنكو.
