فوتو: اقوردا
«اقپارات – قۋاتتى قۇرال. اسىرەسە, قازىرگىدەي قۇبىلمالى زاماندا حالىققا جان-جاقتى ساراپتالعان, تەكسەرىلگەن, شىنايى اقپاراتتى ۇسىنۋ اسا ماڭىزدى», دەدى پرەزيدەنت.
مەملەكەت باسشىسى حالىقتى اداستىراتىن اقپاراتقا جول بەرۋگە بولمايتىنىن اتاپ ءوتتى. سونداي-اق, ءسوز بوستاندىعىنىڭ ەلىمىزدەگى ءار باستامانى سىناۋ دەپ تۇسىنبەۋ كەرەك ەكەنىن ايتتى.
ء«باسپاسوز – قوعامنىڭ بەت-بەينەسى. مەن كۇندەلىكتى گازەت-جۋرنالدى ۇنەمى قاداعالاپ وتىرامىن. «Egemen Qazaqstan», «كازاحستانسكايا پراۆدا», «Aiqyn», «ليتەر», «Turkistan», «Ana tili», «قازاق ادەبيەتى» باسىلىمدارىن, ايماقتاردا شىعاتىن گازەتتەردى دە ۇزبەي وقيمىن. كوپ ماعلۇمات الامىن, پايدالى اقپارات وتە كوپ. جالپى, قازىرگى تاڭدا گازەتتەردە جاريالانىپ جاتقان ماتەريالداردىڭ ساپاسى جوعارى,وقۋعا تارتىمدى دەپ ايتقىم كەلەدى. قوعامنىڭ تىنىسىن, زيالى قاۋىمنىڭ وي-پىكىرىن ءبىلىپ وتىرۋ وتە ماڭىزدى دەپ سانايمىن. ناعىز ۇلت مۇددەسىن كوزدەگەن اقپارات قۇرالى ەلدىڭ بەرەكە-بىرلىگىن نىعايتۋ ءۇشىن قىزمەت ەتۋى كەرەك. شىن مانىندە, گازەت شىعارۋ جانە گازەت وقۋ ءۇردىسى ەشقاشان ۇزىلمەۋگە ءتيىس. وسى ساباقتاستىقتى ساقتاپ قالۋ كەرەك. بۇل – وركەنيەتتى ەلدەردىڭ بارلىعىندا قالىپتاسقان ءداستۇر», دەپ ناقتىلادى قاسىم جومارت توقاەۆ.
