2023 جىلدىڭ شىلدە ايىندا مەيىرجان تورەباەۆ پەن مەيىرحان شەرنيازوۆ قارجى پيراميداسىن ۇيىمداستىرعانى ءۇشىن ەڭ تومەنگى قاۋىپسىزدىك مەكەمەسىنە 5 جىلعا سوتتالعان بولاتىن. سونىمەن قاتار سوت مەيىرجان تورەباەۆتى قىلمىستىق كودەكستىڭ 262-بابى 2-بولىگى («ۇيىمداسقان قىلمىستىق توپ قۇرۋ جانە وعان قاتىسۋ») بويىنشا اقتاعان.
تەرگەۋ بارىسىندا ۆاينەرلەردىڭ Mudarabah Capital قارجى پيراميداسىن جارنامالاپ قانا قويماي, ودان تابىس تاپقانى دالەلدەنگەن.
بوستاندىققا شىققاننان كەيىن مەيىرجان تورەباەۆ الەۋمەتتىك جەلىدەگى پاراقشاسىندا وي-تولعاۋ جاريالاپ, وندا الەكساندر پەتروۆتىڭ ءسوزىن كەلتىرگەن. ول ءوز جازباسىندا قيىن كەزەڭنىڭ وزىنە ىشكى ەركىندىك پەن ومىرلىك ساباق بەرگەنىن ايتىپ, بۇل تاجىريبەنى «جان ساياحاتى» دەپ سيپاتتادى.
ەسكە سالايىق, 2023 جىلعى 23 ماۋسىمدا الماتى قالاسىنىڭ المالى اۋداندىق سوتى مەيىرجان تورەباەۆتى «Mudarabah Capital» قارجى پيراميداسىن ۇيىمداستىرىپ, باسقاردى دەپ تانىپ, 5 جىلعا باس بوستاندىعىنان ايىرعان. سونداي-اق وعان 5 جىل مەرزىمگە كاسىپكەرلىكپەن اينالىسۋعا تىيىم سالىنعان.
سوتتالعان ۆاينەر مەيىرجان تورەباەۆ ۇيىندە ءجۇر: قاجد سەبەبىن ءتۇسىندىردى
2024 جىلدىڭ جەلتوقسانىندا الماتىداعى تۇركسىب اۋداندىق سوتىندا ونىڭ جازانىڭ وتەلمەگەن بولىگىن جەڭىل جازاعا اۋىستىرۋ تۋرالى ءوتىنىشى قارالعان. الايدا سوت بۇل ءوتىنىشتى قاناعاتتاندىرمادى, سەبەبى كەلتىرىلگەن شىعىن تولىق وتەلمەگەن. زاڭ تالاپتارىنا سايكەس, مۇنداي جەڭىلدىك تەك زالال تولىق وتەلىپ, جازانى وتەۋ ءتارتىبى بۇزىلماعان جاعدايدا عانا بەرىلەدى.
ايتا كەتەيىك, سوت ۇكىمى 2024 جىلدىڭ 1 اقپانىندا زاڭدى كۇشىنە ەنگەن.
