بۇعان دەيىن قازاقستاننىڭ ۇزدىك تەننيسشىسى اعىلشىن ويىنشىسى كەتي بۋلتەردەن جەڭىلىس تاپقاننان كەيىن Instagram-داعى پاراقشاسىن ءوشىرىپ تاستاعان ەدى. باق مالىمەتىنشە, مۇنداي شەشىم قابىلداۋعا سپورتشىنىڭ تۋرنيردەن شىعىپ قالعاننان كەيىن الەۋمەتتىك جەلىلەردە كوپتەپ كەلگەن قورلاۋ سوزدەرى مەن قوقان-لوقى حابارلامالارى سەبەپ بولعان.
ايتا كەتەيىك, 12 ماۋسىم كۇنى بۇكىل الەم بويىنشا Instagram جانە Facebook پلاتفورمالارىنىڭ جۇمىسىندا جاپپاي اقاۋ تىركەلدى. قولدانۋشىلار تاراپىنان قوسىمشالاردىڭ جۇمىسى مەن جۇكتەلۋىندە قيىندىقتار بولعانىن حابارلاعان ەدىك.
ەسكە سالساق, لوندوندا وتكەن ءتۋرنيردىڭ شيرەك فينالىندا ەلەنا رىباكينا بريتانيالىق تەننيسشىگە ءۇش سەت قورىتىندىسى بويىنشا 5:7, 6:2, 4:6 ەسەبىمەن ەسە جىبەردى.
سونداي-اق, 21-27 ماۋسىم ارالىعىندا رىباكينا گەرمانيانىڭ باد-حومبۋرگ قالاسىندا وتەتىن WTA 500 ساناتىنداعى تۋرنيردە ونەر كورسەتۋدى جوسپارلاپ وتىر. بۇل جارىس ونىڭ الدىنداعى سوڭعى ماڭىزدى سىنداردىڭ ءبىرى بولماق. ۋيمبلدون ءتۋرنيرى دە جاقىنداپ كەلەدى.
