كونگو ەلىندە 17 جاڭا راستالعان اۋرۋ جاعدايى تىركەلىپ, 5 ادام قايتىس بولدى. ولاردىڭ بارلىعى يتۋري شىعىس پروۆينتسياسىندا انىقتالعان. قازىرگى ەبولا-بۋنديبۋگيو ۆيرۋسىنان تۋىنداعان ءورشۋ يتۋري, سولتۇستىك كيۆۋ جانە وڭتۇستىك كيۆۋ سياقتى ءۇش شىعىس پروۆينتسياداعى 29 مەديتسينالىق ايماقتى قامتىعان.
بەيسەنبى كۇنگى مالىمەت بويىنشا جالپى 168 كۇدىكتى جاعداي تىركەلىپ, 64 ادام قايتىس بولعان.
كونگودا ەبولا ۆيرۋسى ءورشىپ تۇر: قايتىس بولعاندار سانى 127-گە جەتتى
ەسەپتە بىرقاتار جەدەل قيىندىقتار دا اتالدى. ولاردىڭ قاتارىندا قايتىس بولعانداردان ۇلگى الۋعا قارسىلىق كورسەتۋ, ەبولا ەمدەۋ ورتالىقتارىنىڭ جەتكىلىكسىزدىگى, سولتۇستىك كيۆۋدا ينفەكتسيانىڭ الدىن الۋ جانە باقىلاۋ قۇرالدارىنىڭ جەتىسپەۋى, ءۇش پروۆينتسياداعى ءالسىز حابارلاۋ جۇيەسى, سونداي-اق 21,5 ملن اقش دوللارى كولەمىندەگى قارجىلاندىرۋ تاپشىلىعى بار.
بۇۇ بوسقىندار ءىسى جونىندەگى جوعارعى كوميسسارىنىڭ بەيسەنبى كۇنى جاريالانعان ەسەبىنە سايكەس, يتۋريدەگى قونىس اۋدارۋشىلار لاگەرىندە ەبولا بەزگەگىنە بايلانىستى ەكى ءولىم جاعدايى تىركەلگەن.
كونگو دەموكراتيالىق رەسپۋبليكاسىنىڭ دەنساۋلىق ساقتاۋ مينيسترلىگى 15 مامىردا وسى اۋرۋدىڭ جاڭا ءورشۋىن رەسمي تۇردە جاريالادى. بۇل ەلدە 1976 جىلى ۆيرۋس انىقتالعاننان بەرى 17-ءشى ەبولا ىندەتى.
بۇعان دەيىن ەبولا ۆيرۋسىنىڭ تارالۋ قاۋپى جوعارى 10 ەل اتالعانى تۋرالى جازدىق.
