فوتو: ۇكىمەت
مينيستر مۇنداي جاعدايلاردا اسىعىس قورىتىندى جاساپ, دالەلسىز پىكىر بىلدىرۋگە جانە زاڭدا كوزدەلگەن بارلىق راسىمدەر اياقتالماي تۇرىپ باعا بەرۋگە بولمايتىنىن اتاپ ءوتتى. ونىڭ ايتۋىنشا, وقيعانىڭ ءمانىن بۇرمالاپ نەمەسە پروتسەسكە قاتىسۋشىلاردى نەگىزسىز قارالاۋعا الىپ كەلەتىن مالىمدەمەلەرگە جول بەرىلمەۋى ءتيىس.
«اتالعان ءىس بويىنشا شەشىم ءادىل بولادى دەپ سەنەمىن. تاراتىلىپ جاتقان اقپاراتتىڭ دۇرىستىعىن تەكسەرۋ – «ماسس-مەديا تۋرالى» قازاقستان رەسپۋبليكاسىنىڭ زاڭىندا بەكىتىلگەن جۋرناليستەردىڭ نەگىزگى مىندەتتەرىنىڭ ءبىرى بولىپ تابىلادى. سونىمەن قاتار, زاڭنامادا, اتاپ ايتقاندا 68-باپتا, جۋرناليستەردى شىندىققا سايكەس كەلمەيتىن اقپاراتتى تاراتقانى ءۇشىن جاۋاپكەرشىلىكتەن بوساتاتىن جاعدايلار قاراستىرىلعان, ونىڭ ىشىندە رەسمي سوزدەردى سوزبە-ءسوز, وزگەرىسسىز كەلتىرىلگەن بولسا», دەدى ايدا بالاەۆا.
سونداي-اق ول كەز كەلگەن وسىنداي ماسەلەنى قاراۋ كەزىندە «زاڭ جانە ءتارتىپ» قاعيداتىن قاتاڭ ۇستانۋ قاجەت ەكەنىن ايتتى. مينيسترلىكتىڭ مالىمەتىنشە, جاعداي تۇراقتى باقىلاۋدا جانە قاجەت بولعان جاعدايدا ۆەدومستۆو ءوز قۇزىرەتى شەڭبەرىندە ارالاسۋعا دايىن.
«بارلىق پروتسەسسۋالدىق ارەكەتتەر سىرتقى ارالاسۋسىز, زاڭنامادا بەلگىلەنگەن تارتىپكە سايكەس قاتاڭ تۇردە جۇزەگە اسىرىلۋى ءتيىس», دەپ اتاپ ءوتتى مينيستر.
ەسكە سالايىق, جۋرناليست بوتاگوز وماروۆا جالعان اقپارات تاراتۋ ءىسى بويىنشا كۇدىككە ءىلىنىپ, سوت شەشىمىمەن ۇيقاماققا الىنعان.
ارىپتەستەرى بۇل جاعدايعا الاڭداۋشىلىق ءبىلدىرىپ, قۇقىق قورعاۋ ورگاندارىنان اقپاراتتىڭ جەتكىلىكسىز ەكەنىن ايتقان.
