قۇتقارۋشىلاردىڭ ايتۋىنشا, كوكتەمگى كەزەڭدە مۇز سىرتتاي قاتتى بولىپ كورىنگەنىمەن, ءوزىنىڭ بەرىكتىگىن تەز جوعالتادى. كۇن جىلىنىپ, مۇز قاباتى كەۋەكتى ءارى مورت سىنعىش كۇيگە اۋىسادى. تجم ويىقتار مەن مۇز ويىلعان جەرلەردە مۇزعا شىعۋعا قاتاڭ تىيىم سالىناتىنىن ەسكەرتەدى.
مەكەمە مالىمەتىنشە, قاۋىپسىزدىكتى قامتاماسىز ەتۋ ماقساتىندا:
- 28 مىڭنان استام رەيد ءوتتى;
- 102 مىڭنان استام ازاماتپەن پروفيلاكتيكالىق اڭگىمە جۇرگىزىلدى;
- 47 مىڭعا جۋىق بالىقشىعا قاۋىپسىزدىك نۇسقاۋلىقتارى بەرىلدى.
توتەنشە جاعدايلاردىڭ الدىن الۋ ءۇشىن تجم كەلەسى ەرەجەلەردى جادىدا ساقتاۋدى سۇرايدى: جۇقا نەمەسە بەرىك ەمەس مۇزعا شىقپاڭىز; مۇز ۇستىندە ءبىر جەرگە توپ بولىپ جينالماڭىز; مۇز ويىقتارىنا جاقىنداماڭىز; بەلگىلەنگەن وتكەلدەردەن تىس جەرلەردە مۇز ۇستىنە كولىكپەن شىقپاڭىز.
