فوتو: اشىق دەرەككوز
الدىن الا مالىمەت بويىنشا ول قاريالاردىڭ سەنىمىنە كىرىپ, 2,8 ميلليون تەڭگەدەن استام قاراجاتتى يەمدەنگەن.
تەرگەۋ بارىسىندا انىقتالعانداي, كۇدىكتى ءوز ارەكەتتەرىن تۇسكى ۋاقىتتا جۇزەگە اسىرىپ وتىرعان. ەكى زەينەتكەردىڭ دە ءبىر-بىرىنە جاقىن ماڭداعى ۇيلەردە تۇرۋى قىلمىستىڭ مۇقيات جوسپارلانعانىن اڭعارتادى.
تالعاردا الاياقتار دجەكي چاننىڭ بەينەسىن پايدالانىپ زەينەتكەردى الداۋعا تىرىسقان
العاشقى جاعدايدا كۇدىكتى ءوزىن ۋچاسكەلىك ينسپەكتور رەتىندە تانىستىرىپ, 77 جاستاعى قاريانىڭ ۇيىنە كىرگەن. تەلەفون نومىرلەرىن «جاڭارتۋ» سىلتاۋىمەن ول زەينەتكەردىڭ دەپوزيتتىك شوتىنان ءوز ەسەپشوتىنا 1 ميلليون 350 مىڭ تەڭگە اۋدارىپ جىبەرگەن. قاريا قاراجاتتىڭ جوعالعانىن تەك كەشكى ۋاقىتتا بايقاعان.
كەلەسى كۇنى الاياق 74 جاستاعى قالا تۇرعىنىن الداعان. بۇل جولى ول ءوزىن الەۋمەتتىك قىزمەتكەر رەتىندە تانىستىرىپ, مەديتسينالىق تاكسي راسىمدەۋگە كومەكتەسەتىنىن ايتقان. سەنىمگە كىرۋ ءۇشىن ايەلگە 20 مىڭ تەڭگە بەرگەن. كەيىن «تاكسي كارتاسىن راسىمدەۋ» بارىسىندا زەينەتكەردىڭ بيومەتريالىق بەينەجازباسىن ءتۇسىرىپ العان. ارادا از ۋاقىت وتكەن سوڭ بانك قىزمەتكەرلەرى حابارلاسىپ, ونىڭ اتىنا نەسيە راسىمدەلگەنىن جەتكىزگەن. كەلتىرىلگەن شىعىن كولەمى 1 ميلليون 500 مىڭ تەڭگەنى قۇرادى.
شقو-دا پوليتسەيلەر زەينەتكەردى الاياقتاردان قۇتقارىپ قالدى
جەدەل-ىزدەستىرۋ شارالارى ناتيجەسىندە كۇدىكتىنىڭ جەكە باسى انىقتالدى. قاراعاندى قالاسىنىڭ 31 جاستاعى تۇرعىنى بۇعان دەيىن دە الاياقتىق قىلمىستارى ءۇشىن سوتتالعان. قازىرگى ۋاقىتتا كۇدىكتى قاماۋعا الىنىپ, سوتقا دەيىنگى تەرگەۋ امالدارى جۇرگىزىلۋدە. پوليتسەيلەر ونىڭ وسىعان ۇقساس وزگە دە قىلمىستارعا قاتىسى بار-جوعىن تەكسەرىپ جاتىر.
ايتا كەتەيىك, اقمولادا الاياقتارعا الدانعان كاسىپكەر 24 ملن تەڭگەسىنەن ايىرىلدى.
