فوتو: Polisia.kz
جامبىل وبلىسى پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا 29 جاستاعى شەتەل ازاماتىن ۇستادى. جەكە ءتىنتۋ كەزىندە ودان اق ءتۇستى ۇنتاق ءتارىزدى زات سالىنعان, وقشاۋلاعىش تاسپامەن ورالعان 10 تۇيىنشەك تابىلىپ, تاركىلەندى. سونىمەن قاتار جاقىن ماڭداعى ەدەننەن ءدال وسىنداي تاعى 18 تۇيىنشەك انىقتالدى.
كۇدىكتىنىڭ ۋاقىتشا تۇرىپ جاتقان مەكەنجايىندا جۇرگىزىلگەن كەيىنگى ءتىنتۋ بارىسىندا پوليتسيا قىزمەتكەرلەرى وزىنە ءتان ءيىسى بار اق ءتۇستى ۇنتاق زات سالىنعان تاعى 109 تۇيىنشەكتى تاركىلەدى.
سوت ساراپتاماسىنىڭ قورىتىندىسىنا سايكەس, تاركىلەنگەن زات “الفا-PVP” سينتەتيكالىق ەسىرتكىسى بولىپ تانىلدى. تاركىلەنگەن ەسىرتكىنىڭ جالپى سالماعى 59,01 گرامدى قۇرادى. الدىن الا باعالاۋ بويىنشا ونىڭ قارا نارىقتاعى قۇنى 2,7 ميلليون تەڭگەدەن اسادى.
اتالعان دەرەك بويىنشا قر قىلمىستىق كودەكسىنىڭ 297-بابىنىڭ 3-بولىگىمەن سوتقا دەيىنگى تەرگەپ-تەكسەرۋ باستالدى. كۇدىكتى ۋاقىتشا ۇستاۋ يزولياتورىنا قامالدى.
تارازدا ءجاسوسپىرىم قىزدىڭ ولىمىنە قاتىستى قىلمىستىق ءىس قوزعالدى
الدىن الا مالىمەتتەرگە سايكەس, ەر ادام زاڭسىز تابىس تابۋ تۋرالى ۇسىنىستى Telegram مەسسەندجەرى ارقىلى العان. ول ەسىرتكىنى تاراتۋ ءۇشىن الدىن الا دايىندالعان تۇيىنشەكتەردى الماتى قالاسىنان الىپ, ولاردى تاراز قالاسىنىڭ اۋماعىندا وتكىزۋدى جوسپارلاعان. الايدا ونىڭ زاڭسىز ارەكەتىنىڭ جولى پوليتسيا قىزمەتكەرلەرىنىڭ جەدەل جۇمىسىنىڭ ناتيجەسىندە دەر كەزىندە كەسىلدى.
تارازداعى داۋلى ۆيدەو: پوليتسيا باسشىسى قىزمەتىنەن كەتۋى مۇمكىن
ايتا كەتەيىك, بۇعان دەيىن تارازدا تاكسي جۇرگىزۋشىسىنىڭ كولىگىنەن ەسىرتكى تابىلعان بولاتىن.
