فەستيۆال اياسىندا قازاقستان, قىرعىزستان, وزبەكستان, تاجىكستان جانە تۇرىكمەنستان كينوگەرلەرىنىڭ تۋىندىلارى ۇسىنىلعان ورتالىق ازيا بايقاۋى ۇيىمداستىرىلدى. بايقاۋ قورىتىندىسى بويىنشا قازاقستاندىق «Qaitadan» ءفيلمى «ۇزدىك فيلم» اتالىمىندا گران-پري يەلەندى.
ديماش قۇدايبەرگەن جاڭا دەرەكتى ءفيلمىنىڭ ترەيلەرىن جاريالادى
«Qaitadan» سوڭعى جىلدارداعى ەڭ تابىستى قازاقستاندىق فيلمدەردىڭ بىرىنە اينالدى. وتكەن جىلى كارتينا نەبارى ءۇش اپتانىڭ ىشىندە پروكاتتا 1 ملرد تەڭگەدەن استام تابىس جيناپ, وتاندىق كينوپروكات كوشىن باستادى.
بۇعان دەيىن فيلم قازاقستانداعى كرەاتيۆتى يندۋستريالار سالاسىنداعى باستى ماراپات — STEPPE AWARDS سىيلىعىنىڭ «كينەماتوگرافيا» ساناتى بويىنشا دا جەڭىمپاز اتانعان بولاتىن.
ايتا كەتەيىك, جوبا 2023 جىلى پيتچينگ جەڭىمپازى اتانىپ, قازاقستان رەسپۋبليكاسى مادەنيەت جانە اقپارات مينيسترلىگىنىڭ قولداۋىمەن جۇزەگە اسىرىلدى.
ەسكە سالايىق, كانن كينوفەستيۆالىندە جاساندى ينتەللەكت كومەگىمەن جاسالعان العاشقى وتاندىق كوركەم ءفيلمنىڭ جابىق كورسەتىلىمى ءوتتى.
