فوتو: اشىق دەرەككوز
قازىرگى ۋاقىتتا ددۇ-نىڭ رەسمي دەرەگى بويىنشا ەبولا ۆيرۋسىن جۇقتىرۋدىڭ 82 جاعدايى راستالىپ, جەتى ادام قايتىس بولعان. الايدا ۇيىم قازىر ۆيرۋسپەن بايلانىستى بولۋى مۇمكىن شامامەن 750 كۇدىكتى جۇقتىرۋ جاعدايى مەن 177 ءولىم فاكتىسىن ەسەپكە الىپ وتىر.
ء«بىز كونگو دەموكراتيالىق رەسپۋبليكاسىنداعى ىندەتتىڭ الدەقايدا اۋقىمدى ەكەنىن بىلەمىز», دەدى ۇيىم باسشىسى.
زارداپ شەككەن ايماقتار اۋىر داعدارىس جاعدايىندا وتىر. ساراپشىلاردىڭ ايتۋىنشا, اۋرۋدىڭ تارالۋ قاۋپى ءالى دە جوعارى, دەگەنمەن ددۇ الەمدىك دەڭگەيدە بۇل قاۋىپتى تومەن دەپ باعالايدى.
افريكادا ەبولا ۆيرۋسىنا بايلانىستى توتەنشە جاعداي جاريالاندى
تەدروس گەبرەيەسۋستىڭ ايتۋىنشا, كورشىلەس ۋگاندا ەلىندە جاعداي تۇراقتى. كونگودان كەلگەن ەكى ادامنان ۆيرۋس انىقتالعان, ولاردىڭ ءبىرى قايتىس بولعان.
حالىقارالىق قاۋىمداستىق جاعدايعا قازىردىڭ وزىندە ارەكەت ەتىپ جاتىر. كەشە بىرىككەن ۇلتتار ۇيىمى توتەنشە كومەك جونىندەگى ورتالىق قوردان 60 ميلليون دوللار بولىنەتىنىن جاريالادى. بۇل قاراجات كونگو مەن كورشىلەس ەلدەردەگى ىندەتپەن كۇرەس شارالارىن جەدەلدەتۋگە باعىتتالادى. اقش كونگو مەن ۋگانداداعى ينفەكتسيامەن كۇرەسكە 23 ميلليون دوللار بولەتىنىن مالىمدەدى.
ەبولا ىندەتى ەۋروپاعا جەتتى: اقش دارىگەرى بەرلين اۋرۋحاناسىنا جاتقىزىلدى
ايتا كەتەيىك, كونگودا ەبولا ىندەتىنەن قايتىس بولعان ناۋقاستىڭ تۋىستارى مەديتسينالىق ورتالىقتى ورتەپ جىبەردى.
