فوتو: قر پارلامەنتى سەناتىنىڭ ءباسپاسوز قىزمەتى
ءماجىلىس وتىرىسىندا دەپۋتات ەكاتەرينا سمىشلياەۆا جۇرگىزۋشى كۋالىگىن الۋ ءۇشىن ەمتيحان تاپسىرۋ ءتارتىبى تۋرالى ماسەلەنى كوتەردى. ونىڭ ايتۋىنشا, ايماقتاردا جۇرگىزۋشى كۋالىگىن الۋ ءۇشىن تەوريالىق جانە پراكتيكالىق ەمتيحانداردى تاپسىرۋ كەزىندە جۇزدەگەن شاقىرىم جول ءجۇرۋ قاجەت. بۇل رەتتە الەۋەتتى جۇرگىزۋشىلەردىڭ كونتينگەنتى ءوسىپ كەلەدى.
كەزدەسۋ بارىسىندا تاراپتار جاھاندىق ۇردىستەر مەن جي تەحنولوگيالارىنىڭ ەلدىڭ ەكونوميكالىق دامۋىنا تيگىزەتىن اسەرى تالقىلاندى. ماۋلەن اشىمباەۆ مەملەكەت باسشىسىنىڭ باستاماسىمەن قازاقستاندا يننوۆاتسيالارعا نەگىزدەلگەن جاڭا ەكونوميكالىق مودەل قۇرۋ جولىندا اۋقىمدى رەفورمالار جۇزەگە اسىرىلىپ جاتقانىن اتاپ ءوتتى.
«قازاقستان پرەزيدەنتى قاسىم-جومارت كەمەل ۇلى توقاەۆتىڭ باستاماسىمەن ەل ەكونوميكاسىن ءارتاراپتاندىرۋ جولىندا ناقتى شارالار قولعا الىندى. وڭدەۋ ونەركاسىبى, ماشينا جاساۋ, مۇناي حيمياسى, كولىك جانە لوگيستيكا, تۋريزم جانە اۋىل شارۋاشىلىعى سياقتى سەكتورلارعا باسا ءمان بەرىلىپ وتىر. ءبىزدىڭ ماقساتىمىز – جالپى ىشكى ءونىمدى ەكى ەسەگە ۇلعايتۋ جانە ونى 2029 جىلعا قاراي 450 ميلليارد دوللارعا جەتكىزۋ. قازاقستان ىسكەرلىك احۋالدى جاقسارتۋ باعىتىندا ايتارلىقتاي ىلگەرىلەدى. بۇعان سالىق زاڭناماسىن تۇراقتاندىرۋ جانە ينۆەستيتسيالار ءۇشىن قولايلى جاعداي جاساۋ سياقتى ماڭىزدى قادامداردىڭ ارقاسىندا قول جەتكىزىلگەنىن اتاپ وتكەن ءجون», دەدى سەنات توراعاسى.
ساراپشىلاردىڭ بولجامىنا سايكەس, 2030 جىلعا قاراي جي-ءدىڭ الەم ەكونوميكاسىنا قوساتىن ۇلەسى 16 ترلن دوللارعا جەتپەك. وسىعان بايلانىستى كەزدەسۋدە جاساندى ينتەللەكت ەكوجۇيەسىن قالىپتاستىرۋ جانە ەلىمىزدە وسى سالادا ماماندار دايارلاۋ بارىسى ءسوز بولدى.
ساليم يسمايل ماۋلەن اشىمباەۆقا جي تەحنولوگيالارىنا قىزىعۋشىلىق تانىتقانى ءۇشىن العىسىن ءبىلدىردى. سونداي-اق ول قازاقستاننىڭ اتالعان سالاداعى تاجىريبەسىن زەردەلەگىسى كەلەتىنىن ايتىپ, نەگىزگى باعىتتار بويىنشا ىنتىماقتاستىق ورناتۋعا دايىن ەكەنىن جەتكىزدى.
ايتا كەتەيىك, ساليم يسمايل – جاساندى ينتەللەكتتى قولدانۋ بويىنشا ءىرى الەمدىك كومپانيالارعا ارنالعان ستراتەگيالار ازىرلەۋ جانە بىرقاتار ۇكىمەت پەن مەملەكەت باسشىلارىنا وسى باعىتتا كەڭەس بەرۋ ىسىندە تاجىريبەسى مول, بىلىكتى ساراپشى.
