فوتو: مقىا ءباسپاسوز قىزمەتى
مەملەكەتتىك قىزمەت سالاسىنداعى HR-دىڭ ستراتەگيالىق زاماناۋي تاجىريبەلەرى تۋرالى پىكىرتالاس جانە اقپارات الماسۋعا ارنالعان سەمينارعا ازەربايجان, گرۋزيا, قىرعىزستان, تاجىكستان, تۇركيا جانە وزبەكستان, بوسنيا جانە گەرتسەگوۆينا, سولتۇستىك ماكەدونيا ەلدەرىنىڭ مەملەكەتتىك قىزمەت سالاسىنداعى ۋاكىلەتتى ورگاندار مەن استانا مەملەكەتتىك قىزمەت حابىنىڭ باسشىلارى, سونداي-اق شەتەلدىك سالالىق ساراپشىلار قاتىستى.
دارحان جازىقباي شەتەلدىك ارىپتەستەرىنە قازاقستاندا مەملەكەتتىك قىزمەتتى ترانسفورماتسيالاۋ باعىتىندا «ادامعا باعدارلانعان», سەرۆيستىك سيپاتتاعى مەملەكەتتىك اپپاراتتى قالىپتاستىرۋ شارالارى جايلى باياندادى.
«مەملەكەت باسشىسى قاسىم-جومارت كەمەل ۇلىنىڭ ادىلەتتى قازاقستان قۇرۋ جونىندەگى رەفورماسى – ەلىمىزدىڭ ءاربىر ازاماتى ءۇشىن تەڭ مۇمكىندىكتەردى قامتاماسىز ەتۋدەگى باستى باعدار. وسىعان وراي, ءبىز مانساپتىق جانە پوزيتسيالىق مودەلدەردىڭ ەلەمەنتتەرىن قولدانا وتىرىپ, مەملەكەتتىك قىزمەتتىڭ گيبريدتى مودەلىن قالىپتاستىرۋدامىز», دەدى مقىا توراعاسى.
ول جاڭا گيبريدتىك مودەل اياسىندا مەملەكەتتىك قىزمەتكە «كىرۋ» جانە ودان «شىعۋ» تالاپتارىنىڭ جەڭىلدەتىلۋى, HR قۇرالدارىن كەڭىنەن قولدانۋ جانە ادامي رەسۋرستاردى ستراتەگيالىق باسقارۋ جۇيەسىن دامىتۋ, كاسىبي ماماندار مەن دارىندى جاستاردى تارتۋ, «e-Qyzmet» جۇيەسىندە ىسكە قوسىلعان ونلاين ىرىكتەۋ فورماتى مەن پەرسونالدى باسقارۋدى تسيفرلاندىرۋ بويىنشا اگەنتتىكپەن جۇزەگە اسىرىلىپ جاتقان جوبالار مەن باستامالارعا توقتالدى.
سونداي-اق ەلىمىزدەگى مەملەكەتتىك قىزمەتشىلەردى باعالاۋدىڭ جاڭا اۆتوماتتاندىرىلعان جۇيەسىنە نازار اۋدارىلدى. بۇگىندە مەملەكەتتىك قىزمەتتەگى باسشىلار ءۇشىن باعالاۋ KPI-گە قول جەتكىزۋ ناتيجەلەرى نەگىزىندە, قاتارداعى قىزمەتشىلەر ءۇشىن – مىندەتتەردى ورىنداۋ ساپاسىنا, مەرزىمدەردى ساقتاۋعا, دەربەستىك پەن باستاماشىلىققا, ەڭبەك تارتىبىنە نەگىزدەلگەن سارالاۋ ءادىسى بويىنشا جۇزەگە اسىرىلادى.
سەمينارعا قاتىسۋشى ەلدەر مەملەكەتتىك قىزمەتتەگى ىرىكتەۋ جانە قۇزىرەتتەردى باعالاۋ بويىنشا وزىق تاجىريبەلەردى تالقىلاپ, مەملەكەتتىك اپپاراتتىڭ تيىمدىلىگىن ارتتىرۋدا زاماناۋي HR قۇرالدارىن قولدانۋدىڭ ماڭىزدىلىعىنا توقتالدى.
ايتا كەتەرلىگى, قاتىسۋشىلار مەملەكەتتىك قىزمەتتى دامىتۋ بويىنشا قازاقستاننىڭ تاجىريبەسىنە ەرەكشە قىزىعۋشىلىق تانىتتى. ماسەلەن, بوسنيا جانە گەرتسەگوۆينا مەملەكەتىنىڭ وكىلدەرى «e-Qyzmet» جۇيەسى بويىنشا تاجىريبە الماسۋعا مۇددەلى ەكەندىكتەرىن جەتكىزدى. ال ازەربايجان رەسپۋبليكاسىنىڭ تسيفرلىق دامۋ جانە كولىك مينيسترلىگى قازاقستانداعى اسسەسمەنت ورتالىقتىڭ تاجىريبەسىن ءوز باعالاۋ جۇيەسىن ازىرلەۋدە ەسكەرگەنىن ايتتى.
شارا اياسىندا مقىا توراعاسى دارحان جازىقباي ازەربايجانداعى مەملەكەتتىك قىزمەتكە كادرلاردى ىرىكتەۋدى جۇزەگە اسىراتىن مەملەكەتتىك ەمتيحان ورتالىعى جانە جاڭا تسيفرلىق تەحنولوگيالاردى پايدالانا وتىرىپ, مەملەكەتتىك قىزمەتشىلەر مەن ازاماتتار اراسىنداعى ءوزارا ءىس-قيمىلدى قامتاماسىز ەتۋگە باعىتتالعان ASAN مەملەكەتتىك قىزمەت كورسەتۋ ورتالىعىنىڭ جۇمىسىمەن تانىستى.
