- Fight Matrix ينتەرنەت پورتالى UFC-دە كۇش سىناسىپ جۇرگەن ارالاس جەكپە-جەك شەبەرى اسۋ الماباەۆتى (20-2-0) اسا جەڭىل سالماقتاعى توپ-15 سپورتشىنىڭ قاتارىنا قوستى. بۇل تىزىمدە برازيليالىق الەكساندر پانتوجا (28+5+0) كوش باستاپ تۇرسا, ەكىنشى جانە ءۇشىنشى ورىنداردى امەريكالىق برەندون رويۆەل (16-7-0) مەن مەكسيكالىق برەندون مورەنو (21-8-2) يەلەنگەن.
- يتاليانىڭ استاناسى – ريمدە شىمىلدىعى تۇرىلگەن پاريج وليمپياداسىنىڭ ىرىكتەۋ تۋرنيرىندە ديانا تاسجانوۆا, كسەنيا يگناتوۆا, سوفيا سپودارەنكو جانە ادىلبەك مۋسين سىندى جۇزۋشىلەر ونەر كورسەتەدى.
- تايلاندتىڭ رايون ايماعىندا بايداركا مەن كانوەدە ەسۋدەن جاستار مەن جاسوسپىرىمدەر اراسىندا ۇيىمداستىرىلعان ازيا بىرىنشىلىگىندە قازاقستان قۇراماسى 30 جۇلدە ولجالادى. ول مەدالداردىڭ 11-ءى التىن, 7-ەۋى كۇمىس جانە 12-ءسى قولا.
- حالىقارالىق كونكيشىلەر وداعى (ISU) شورت-ترەكتەن كەلەسى ماۋسىمنىڭ جارىستار كەستەسىن جاريالادى. جاسوسپىرىمدەر اراسىنداعى الەم كۋبوگىنىڭ العاشقى ەكى كەزەڭى الماتىدا وتەدى. العاشقى جارىستىڭ تۇساۋى 7 قاراشادا كەسىلسە, ەكىنشىسى 13-15 قاراشا ارالىعىندا ۇيىمداستىرىلادى.
- بۇل كۇندەرى دزيۋدودان قازاقستاننىڭ ايەلدەر قۇراماسى حورۆاتيادا وقۋ-جاتتىعۋ جيىنىن وتكىزۋدە. سول جاقتا ءابيبا ابۋجاقىنوۆا (48 كگ), عاليا تىنباەۆا (48 كگ), ەسميگۇل كۋيۋلوۆا (63 كگ), كاميلا بەرلىقاش (+78 كگ) جانە نازگۇل ماراتوۆا (+78 كگ) تەر توگۋدە.
- مالتادا سۋ دوبىنان جاسوسپىرىمدەر اراسىنداعى الەم بىرىنشىلىگى باستالدى. اتالعان جارىستا ءادىل تەمىرحانوۆ پەن ءماديحان ماحمەتوۆ جەتەكشىلىك ەتەتىن وتاندىق ۆاتەرپولشىلارىمىز دا ونەر كورسەتۋدە.
- تانىمال كوركەم گيمناسشىسى ەلجانا تانيەۆا يتاليانىڭ ميلانىندا ءوتىپ جاتقان الەم كۋبوگىنىڭ سوڭعى كەزەڭدىك سايىسىندا باق سىناۋدا. قازاق قىزى بۇل جارىستى وليمپيا ويىندارىنا دايارلىق رەتىندە قاراستىرۋدا.
