فوتو: azh.kz
ۇبت باستالعالى بەرى تالاپكەرلەردىڭ 76%-ى شەكتى بالدى جينادى. ورتاشا بالعا كەلەتىن بولساق, ول 68 بالدى قۇرادى. ەڭ جوعارى بالل – 138, 8 ادام 137 بالل جينادى.
قازىرگى تاڭدا تەستكە قاتىسۋشىلاردىڭ باسىم بولىگى, اتاپ ايتقاندا, 18%-ى «ماتەماتيكا-فيزيكا», 16%-ى «بيولوگيا-حيميا» پاندەر كومبيناتسياسىن تاپسىردى. 15%-ى «شىعارماشىلىق ەمتيحان» كومبيناتسياسىن تاڭداعان.
ەرەكشە ءبىلىم بەرۋ قاجەتتىلىكتەرى بار وقۋعا تۇسۋشىلەر ءۇشىن قولايلى جاعداي جاساۋدىڭ ارقاسىندا ۇبت-عا بەس اپتانىڭ ىشىندە 577 تالاپكەر قاتىستى.
وسى اپتادا جوعارى وقۋ ورىندارىنىڭ قابىلداۋ كوميسسياسى ءوز جۇمىستارىن باستاپ, 25 تامىزعا دەيىن وقۋعا تۇسۋگە قۇجاتتاردى قابىلدايدى. سونداي-اق «پەداگوگيكالىق عىلىمدار» جانە «دەنساۋلىق ساقتاۋعا» تۇسۋشىلەر ءۇشىن مىندەتتى بولىپ تابىلاتىن ەمتيحاندار باستالدى.
جوعارى وقۋ ورىندارى 10 تامىزعا دەيىن شىعارماشىلىق ەمتيحانعا قاتىسۋ ءۇشىن وتىنىشتەردى قابىلداپ, ەمتيحانداردىڭ ءوزىن 7 شىلدە مەن 15 تامىز ارالىعىندا وتكىزەدى. گرانت كونكۋرسىنا قۇجاتتاردى قابىلداۋ 13-20 شىلدە ارالىعىندا, ال توتەنشە جاعداي جاريالانعان 6 وبلىستا (اقتوبە, اتىراۋ, باتىس قازاقستان, قوستاناي, اقمولا, سولتۇستىك قازاقستان وبلىستارى) 13-24 شىلدە ارالىعىندا جۇزەگە اسىرىلادى.
بۇگىنگى تاڭدا 396 ەرەجە بۇزۋشىلىق انىقتالدى. ونىڭ ىشىندە 267 تالاپكەر سمارتفون, شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى. تەستىلەۋ كەزىندە ەرەجەلەردى بۇزعانى ءۇشىن اۋديتوريادان 120 ادام شىعارىلىپ, ناتيجەلەرى جويىلدى. بەينەجازبالاردى تەكسەرۋدەن سوڭ ەرەجە بۇزعان 9 ادامنىڭ ناتيجەسى جويىلدى. بوگدە تۇلعالار انىقتالعان جوق.
ايتا كەتسەك, 2024 جىلعى ۇبت اياقتالعاننان كەيىن كۇنتىزبەلىك جىلدىڭ 31 قازانىنا دەيىن تەستىلەۋدىڭ بەينەجازبالارىنا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە ەرەجەلەردى بۇزۋ فاكتىلەرى انىقتالعان جاعدايدا وقۋعا ءتۇسۋشىنىڭ ۇبت ناتيجەلەرى جويىلادى.
