سىبايلاس جەقورلىق تۋرالى قالاي دۇرىس حابارلاۋ كەرەك؟ ەڭ اۋەلى «Smart Astana» ءموبيلدى قوسىمشاسىن جۇكتەپ العاننان كەيىن, «Stop جەمقورلىق» بولىمىنە وتەسىز. سودان كەيىن «جەمقورلىق بويىنشا شاعىمدانۋ» باتىرماسىن باسىپ, سىزدەن كىمنىڭ نە تالاپ ەتكەنىن, وقيعانىڭ قاي اۋداندا جانە قاشان بولعانىن, نە ءۇشىن, قانداي سالادا ەكەنىن بەلگىلەپ جولداۋ قاجەت. بار بولعانى وسى. ودان بولەك, اتالعان قوسىمشادا «سall-ورتالىق 1424» قىزمەتى دە كورسەتىلگەن. ياعني وسى ءنومىر ارقىلى سىبايلاس جەمقورلىققا قارسى ءىس-قيمىل اگەنتتىگىنىڭ call-ورتالىعىنا قوڭىراۋ شالىپ, ءمان-جايدى باياندايسىز.
ءموبيلدى قوسىمشا ارقىلى كەلىپ تۇسكەن دەرەكتەر سىبايلاس جەمقورلىققا قارسى ءىس-قيمىل اگەنتتىگىنىڭ استانا قالاسى بويىنشا دەپارتامەنتىنە جىبەرىلەدى. وسىلايشا, جاڭا قوسىمشا ارقىلى ەلوردانىڭ ءاربىر تۇرعىنى جىلدام ءارى جاسىرىن تۇردە جەمقورلىق فاكتىلەرىن ازايتۋعا ۇلەس قوسا الادى. ايتا كەتەيىك, «Smart Astana» ءموبيلدى قوسىمشاسى «Play market», «Google market» جانە «iOS» پلاتفورمالارىندا قولجەتىمدى.
