اتالعان جوبانىڭ ەرەكشەلىگى – مۇندا IT سالاسىندا ەڭبەك جولىن باستاعىسى كەلەتىن ورتالىق ازيا ايەلدەرى «No code», «Freelance School», سونداي-اق «E-commerce» باعدارلامالاۋ باعىتتارى مەن باسقا دا تسيفرلىق داعدىلاردى تەگىن مەڭگەرە الادى. بىلتىر باستاۋ العان بۇل جوبا بيىل دا جالعاسىن تاپپاق.
«بىلتىر IT-Aiel باعدارلاماسى اياسىندا ەلىمىزدىڭ تۇكپىر-تۇكپىرىندەگى 2634 ايەل IT سالاسىندا ءبىلىمىن شىڭداۋ ماقساتىندا ءوتىنىم بەردى. ولاردىڭ قاتارىندا 900-دەن استام جۇمىسسىز, 500 ستۋدەنت, 700 ءوزىن-ءوزى جۇمىسپەن قامتىعان قىز-كەلىنشەك, سونداي-اق 400-دەن استام دەكرەتتەگى انا بولدى. ءبىرىنشى لەك تۇلەكتەرى ۆەب-سايتتار مەن قوسىمشالار سياقتى ءوز IT-ونىمدەرىن مەڭگەردى. وسىلايشا, ولار قارجىلىق تاۋەلسىزدىك پەن كاسىبي شىڭدالۋعا ماڭىزدى قادام جاسادى. بيىل باعدارلامانىڭ ەكىنشى لەگى اياسىندا ايەلدەر تابىستى مانساپ قۇرىپ, قوعامنىڭ دامۋىنا ۇلەس قوسۋعا سەپتىگىن تيگىزەتىن جاڭا مۇمكىندىككە قول جەتكىزە الادى», دەدى «Astana Hub» باسقارۋشى ديرەكتورى دانيا احمەتوۆا.
جوبانىڭ ەكىنشى لەگى اياسىندا ۇسىنىلاتىن كۋرس مازمۇنى: ۆەب-سايتتار, ءموبيلدى قوسىمشالار, چاتبوتتار مەن باسقا دا كود جازۋدى قاجەت ەتپەيتىن تسيفرلىق ونىمدەر قۇرۋعا ارنالعان «No Code School», قاشىقتان جۇمىس ىستەۋگە, ءوز باعىتىن تاڭداۋعا, قىزمەتتەردى ساتۋعا جانە كليەنتتەردى تارتۋعا ارنالعان «Freelance School», ماقساتتى جارنامانى ازىرلەۋگە, الەۋمەتتىك جەلىدە پاراقشالار جۇرگىزۋگە, ينتەرنەت-دۇكەن اشۋعا, حالىقارالىق ونلاين-الاڭداردا تاۋارلار ساتۋعا, ونلاين-تولەمدەردى قوسۋ مەن كيبەرقاۋىپسىزدىك نەگىزدەرىنە ۇيرەتۋگە ارنالعان «Mastercard» قولداۋى بار «E-commerce» باعدارلامالارىنان قۇرالعان.
«2023 جىلى دەكرەتتە وتىرعان كەزىمدە ايەلدەرگە IT-ماماندىقتاردان تەگىن وقۋدان وتۋگە, جۇمىس پەن وتباسى اراسىنداعى تەپە-تەڭدىكتى ساقتاي وتىرىپ, قاشىقتان جۇمىس ىستەۋگە مۇمكىندىك بەرەتىن «IT-Aiel» جوباسىنا قاتىستىم. وقىتۋدىڭ ناتيجەسىندە بالالار مەن جاسوسپىرىمدەر اراسىنداعى تسيفرلىق گيگيەنا جانە كيبەربۋللينگتىڭ الدىن الۋ تۋرالى بوت-كومەكشى «CyberBalا» جوباسىن قۇردىم, ونى «No Code» قۇرالدارىنىڭ كومەگىمەن جاسادىم», دەيدى «IT-Aiel» باعدارلاماسىنىڭ ءفيناليسى, «CyberBala» جوباسىنىڭ اۆتورى ءاليا ورازىمبەتوۆا.
«IT-Aiel 2.0» جوباسىن پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا, «Astana Hub» حالىقارالىق تەحنوپاركى جانە «TechnoWomen» كوممەرتسيالىق ەمەس ۇيىمى جۇزەگە اسىرىپ كەلەدى. قاتىسۋشىلارعا IT-سالاسىندا ءوز باعىتىن تابۋعا مۇمكىندىك بەرەتىن بۇل جوباعا تىركەلۋ 24 ماۋسىمعا دەيىن قابىلدانادى.
