قىزىلوردا وبلىسى ارال اۋدانىنىڭ تۋماسى اسەت تەمىرباەۆ كوپبالالى وتباسىندا وسكەن. مۋزىكاعا سۇيىسپەنشىلىگىن بايقاعان اتا-اناسى ونى مۋزىكا مەكتەبىنە بەرگەن. مەكتەپتە بايان اسپابىن تاڭداعان ول اسپاپتا ويناۋدى كاسىبي دەڭگەيدە ۇيرەنىپ, بىرنەشە رەت بايقاۋلاردا جەڭىمپاز اتاندى.
«مۋزىكالىق ءبىلىمدى وقۋشى كەزدە-اق الدىم. سودان كەيىن قازانعاپ اتىنداعى قىزىلوردا مۋزىكالىق جوعارى كوللەدجىندە حالىق اسپاپتارى كافەدراسىندا وقىدىم», دەيدى قاتارداعى جاۋىنگەر اسەت تەمىرباەۆ.
ارال اۋداندىق مادەنيەت ءۇيىنىڭ وركەسترىندە جۇمىس ىستەپ جۇرگەندە اسكەرگە شاقىرىلىپ, اباي گارنيزونىنا بورىشىن وتەۋگە جىبەرىلەدى.
اسەت تەمىرباەۆ ءوزىنىڭ اسكەري ۇجىمىندا ءاربىر بوس ۋاقىتتى ساربازداردىڭ كوڭىل-كۇيىن كوتەرۋگە پايدالانادى.
ول باياندا عانا ەمەس, فورتەپيانودا دا وينايدى جانە اسكەري ءبولىمنىڭ قوعامدىق ومىرىنە بەلسەنە ارالاسادى.
بۇگىندە ول الماتىداعى راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ «اسكەري ىستەگى ديريجەر» ماماندىعىن تاڭدادى. تەستىلەۋدەن ءساتتى وتكەن ول ەندى اسكەري ءبىلىم ورداسىندا تاپسىراتىن شىعارماشىلىق ەمتيحانعا دايىندالىپ ءجۇر.
