«AMANAT» پارتياسى «تازا بەيسەنبى» اكتسياسىن جالعاستىرىپ جاتىر

بۇگىن «ساكەن سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتى» بپۇ, سارىارقا اۋدانى اكىمدىگىنىڭ, «AMANAT»پارتياسى استانا فيليالىنىڭ وكىلدەرى, «جاستار رۋحى» جاستار قاناتىنىڭ ۆولونتەرلەرى مەن قوعام قايراتكەرلەرى قاتارىنان 400-گە جۋىق ادام استانا قالاسىنداعى اينالما جولدىڭ اۋماعىنان 100 قاپتان استام قوقىس جينادى.  

ء«بىز بۇگىن دالادا نەمەسە اۆتوتۇراقتار اۋماعىندا تاستالعان كوپ قوقىستى جينادىق. ءتىپتى, ءبىر ادام مۇندا قاجەتسىز زاتتار سالىنعان پاكەتتەردى دە تاستاپ كەتىپتى. ءبىز اپتا سايىن وتكىزەتىن «تازا بەيسەنبى» اكتسياسى تابيعاتىمىزدى تازا ۇستاۋعا ۇيىتقى بولىپ وتىر. وسىلايشا, پارتيا تەك قوقىس جيناۋمەن عانا شەكتەلمەيتىن كەشەندى تازالىق ءىس-شاراسىن باستاپ بەردى. ءاربىر ۋچاسكەگە ءماسليحات دەپۋتاتتارى, باستاۋىش پارتيا ۇيىمدارىنىڭ بەلسەندىلەرى مەن جەتەكشىلەرى بەكىتىلدى. ولار ونداعى تازالىق پەن ءتارتىپتىڭ ساقتالۋىنا جاۋاپ بەرەدى», دەدى «AMANAT» پارتياسى استانا قالالىق فيليالىنىڭ اتقارۋشى حاتشىسى مۇحاممەدجان بولىسبەك.

سونداي-اق «AMANAT» پارتياسىنىڭ ەلوردالىق فيليالى جانىنان قالاداعى ەكولوگيالىق جاعدايدى باقىلايتىن 5 ءموبيلدى توپ قۇرىلدى. ءار ءموبيلدى توپ قۇرامىندا ەكولوگيالىق كەڭەس مۇشەسى, ءماسليحات دەپۋتاتى, اۋداندىق پارتيا فيليالدارىنىڭ توراعالارى, اۋداندىق اتقارۋشى حاتشىلار, پارتيالىق باقىلاۋ كوميسسياسىنىڭ مۇشەلەرى, پارتيا بەلسەندىلەرى بار.

بۇعان دەيىن ءموبيلدى توپتار جۇرگىزگەن مونيتورينگ جۇمىسى ناتيجەسىندە قالا اۋماعىندا جانە ودان تىسقارى جەرلەردە 15 زاڭسىز قوقىس ورنى انىقتالعان ەدى.

جالپى «تازا قازاقستان» جالپىۇلتتىق اكتسياسى اياسىندا «AMANAT» پارتياسى 5 باعىت بويىنشا جۇمىس باستادى:

1. ەكولوگيا سالاسىنا قاتىستى زاڭ شىعارۋ;
2. وڭىرلەردە لاستانعان اۋماقتاردىڭ كارتاسىن جاساي وتىرىپ, «تازا بەيسەنبى» ەكولوگيالىق اكتسياسىن ۇيىمداستىرۋ;
3. «استانا-الماتى» تاس جول بويىنداعى اۋماقتى تازارتۋعا ارنالعان «تازا قازاقستان» road-ەستافەتاسى;
4. تاريحي, مادەني جانە تابيعي مۇرانى ۆانداليزم ارەكەتىنەن قورعاۋعا ارنالعان قوعامدىق ناۋقان;
5. جاسىل ۆولونتەرلىك – ەكولوگيالىق ۆولونتەرلەر قوزعالىسىن قۇرۋ.

ەكولوگيالىق ماسەلەلەردى شەشۋ – «AMANAT» پارتياسىنىڭ سايلاۋالدى باعدارلاماسىندا قامتىلعان ماڭىزدى باسىمدىقتىڭ ءبىرى. سايلاۋالدى ۋادەلەردى جۇيەلى جۇزەگە اسىرۋ جۇمىسى اياسىندا بىلتىر مەملەكەتتىك ورمان قورى اۋماعىنا 302,7 ملن ءتۇپ اعاش ەگىلدى. سونىمەن قاتار 39 ءىرى ونەركاسىپتىك كاسىپورىندا اۋانى لاستاۋىن باقىلايتىن اۆتوماتتاندىرىلعان جۇيە ورناتىلدى.