فوتو: tengrinews.kz
بيىلعى تۇلەكتەردىڭ دەنى جاراتىلىستانۋ, گۋمانيتارلىق جانە الەۋمەتتىك عىلىمدار مەكتەبىنىڭ (565 تۇلەك), سونداي-اق ينجەنەرلىك جانە تسيفرلىق عىلىمدار مەكتەبىنىڭ (582) ستۋدەنتتەرى. ال جوعارى بيزنەس, ءبىلىم بەرۋ جانە مەملەكەتتىك ساياسات مەكتەپتەرىن 164 ستۋدەنت, مەديتسينا مەكتەبىن 139, تاۋ-كەن ءىسى جانە جەر تۋرالى عىلىمدار مەكتەبىن 57 ستۋدەنت ءتامامدادى.
سالتاناتتى ءىس-شارادا عىلىم جانە جوعارى ءبىلىم ءمينيسترى ساياسات نۇربەك ۇزدىك ماگيسترلەر مەن دوكتورلارعا ديپلوم تابىستاپ, تۇلەكتەرگە اق جول تىلەدى:
«NU – ەلىمىزدەگى يننوۆاتسيالىق زەرتتەۋلەر مەن جوعارى بىلىمگە جەتەكشىلىك ەتىپ, سىزدەر سياقتى تالانتتى كوشباسشىلاردى تاربيەلەپ جاتىر. مەن ادالدىعى مەن ەڭبەكقورلىعى ءۇشىن ۋنيۆەرسيتەت وقىتۋشىلارى مەن باسشىلىعىنا العىس ايتامىن. بۇل ءبىلىم ورداسى – الەمدەگى ەڭ ۇزدىك 100-گە جۋىق جاس ۋنيۆەرسيتەتتىڭ ءبىرى, سونداي-اق ازياداعى ۇزدىك جوعارى وقۋ ورىندارىنىڭ قاتارىندا. ارينە, ول ەلىمىزدەگى زەرتتەۋ ۋنيۆەرسيتەتتەرىنىڭ كوشىن باستاپ تۇر», دەدى ول.
سونىمەن قاتار پارلامەنت ءماجىلىسى الەۋمەتتىك-مادەني دامۋ كوميتەتىنىڭ توراعاسى اسحات ايماعامبەتوۆ جوعارى وقۋ ورنىن بىتىرگەن 10 ۇزدىك ستۋدەنتكە ديپلوم تابىستاپ, Nazarbayev University جەتىستىكتەرىنە توقتالدى.
«ۋنيۆەرسيتەت ميسسياسى – مەملەكەتتىك ساياسات پەن بيزنەستە, ءبىلىم مەن عىلىمدا وزگەرىستەردىڭ باسىندا تۇراتىن بىلىكتىلىگى جوعارى مامانداردى دايارلاۋ. بار-جوعى 14 جىلدىڭ ىشىندە NU جوعارى ءبىلىم سالاسىندا حالىقارالىق قاۋىمداستىقتىڭ ىشىنەن ءوز ورنىن تاۋىپ, بەدەلدى «Times Higher Education» رەيتينگىندە الەم بويىنشا ۇزدىك زەرتتەۋ ۋنيۆەرسيتەتتەرىنىڭ 30 پايىزىنىڭ, سونداي-اق ازيانىڭ ۇزدىك ۋنيۆەرسيتەتتەرىنىڭ 11 پايىزىنىڭ قاتارىنا كىردى. ستۋدەنتتەر مەن تۇلەكتەردىڭ جەتكەن جەتىستىكتەرى ۋنيۆەرسيتەتتىڭ جاھاندىق جوعارى ءبىلىم سالاسىنداعى بەدەلىن نىعايتا تۇسەدى», دەدى ول.
