فوتو: osken-onir.kz
شەت اۋدانىندا 150 گەكتار القاپقا ارپا ەككەن امان كارىباەۆتىڭ ەگىستىگى بوس قالدى. ول كيىكتەر تابىنىن قانشا قاراۋىلداسا دا جىلدام قوزعالاتىن ولاردى توقتاتىپ ۇلگەرمەگەن. كەيىنگى كەزدەرى ءجيى قايتالانعان بۇل قۇبىلىستان ەگىستىك كيىكتەرگە تاپتالىپ, بوس قالعان. ەندى شارۋا كىمنەن وتەماقى سۇرارىن بىلمەي دال بولىپ وتىر.
«ەككەن ارپالارىم ءجۇز شاقتى سيىردىڭ ازىعى ەدى. كيىكتەر شەگىرتكەدەي قاپتاپ كەلىپ قالادى. قورىقشىلارمەن بىرىگىپ قانشا قۋسا دا اينالىپ كەلە بەرەدى. ءبىز ولارمەن قاندايدا دا ءبىر جولمەن كۇرەسۋىمىز كەرەك. ايتپەگەندە ءبارىمىز بىرگە نانسىز قالامىز», دەدى امان كارىباەۆ.
وقيعا ورنىنا ينسپەكتورلار بارىپ, اكت جاساعانىمەن, شىعىندى ءوندىرىپ الاتىن ەشكىم بولماعان. 2023 جىلى قاراعاندى وبلىسىندا كيىكتەردىڭ ەگىن القاپتارىن تاپتاعان 23 جاعدايى تىركەلگەن. ال اۋىل شارۋاشىلىعى مينيسترلىگى مۇنداي جاعداي پراكتيكادا بولماعانىن العا تارتىپ, شىعىندى وتەۋ مەحانيزمى بەلگىلەنبەگەنىن مالىمدەدى.
ء«بىز مۇنداي ماسەلەمەن بۇرىن سوڭدى اينالىسقان ەمەسپىز. اقبوكەندەر ءۇي جانۋارى ەمەس, سوندىقتان ولاردى ءبىر باعىتقا ايداپ, قاماپ ۇستاي المايسىڭ. ەندى ەگىندى ولاردان قورعاۋدىڭ ءتاسىلىن قاراستىرۋ كەرەك. موتوتسيكلدەرگە ءمىنىپ ولاردى باياۋ ايدايتىن توپ بولعانى ءجون سەكىلدى», قاراعاندى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باسشىسى ابزال بالتاباەۆ.
1 جىلدىڭ ىشىندە بەتپاقدالادا ورگەن كيىك سانى 700 مىڭنان 1 ميلليون 150 مىڭعا دەيىن ءوسىپ, تارالۋ گەوگرافياسى ۇلعايعان. ماماندار بولاشاقتا ەگىستىك القاپتارى كيىكتەر ءۇشىن سۇيىكتى ورىنعا اينالۋى مۇمكىن دەپ بولجاپ وتىر.
