فوتو: urjar.kz
جيىندا كول جاعالاۋىن بەكىتۋ, ەلەكتر جارىعى, سۋ, قوقىس, كارىز جۇيەسىنە تازارتۋ قوندىرعىسىن ورناتۋ, اۋىلدىڭ ىشكى كوشەلەرى, سۋ كولىگى, بايلانىس جۇيەسى سەكىلدى كەيبىر توتەنشە جاعدايلاردىڭ الدىن الۋ شارالارى باياندالدى. ءار سالا باسشىلارى ءتۋريزمدى دامىتۋدا كەنجەلەپ جاتقان ماسەلەلەر بويىنشا ەسەپ بەرىپ, اتقارىلعان اۋقىمدى جۇمىستاردى تانىستىردى. اتاپ ايتساق, قاجەتتى ينفراقۇرىلىم تارتۋ باعىتى بويىنشا بۇگىنگى تاڭدا الاكول اۋدانى اكىمدىگى تاراپىنان «بەسكول – اقشي» اۋىلدارىنىڭ ارالىعىنا جوعارى كەرنەۋلى 110 كۆت-تىق, جەلىلەردى تارتۋ بويىنشا جوبالىق-سمەتالىق قۇجاتى ازىرلەنىپ, بيۋدجەتتىك ءوتىنىم جولدانعان. سونىمەن قاتار, اقتوعاي – كوكتۇما باعىتىندا جوعارى كەرنەۋلى 220 كۆت-تىق ەلەكتر جەلىسىن سالۋ جۇمىسىنىڭ جوبا-سمەتالىق قۇجاتىن ازىرلەۋ جالعاسۋدا.
تۇرعىنداردى تولعاندىرعان الاكول جاعالاۋىنداعى ەلەكتر ەنەرگياسى ماسەلەسىن شەشۋ ماقساتىندا اقشي اۋىلىندا ورنالاسقان قوسالقى ستانساعا 2 دانا 6300 كۆت جانە 6 دانا ترانسفورماتور ورناتىلىپ, پايدالانۋعا بەرىلگەن. اقشي اۋلى مەن كول جاعالاۋىن ەلەكترمەن قامتاماسىز ەتۋ, ەلەكتر ەنەرگياسىنىڭ وتكىزۋ قابىلەتىن جوعارىلاتۋ جۇمىستارى جوسپار بويىنشا جۇرگىزىلۋدە.
بۇگىندە كول جاعالاۋىنداعى 77 دەمالىس ورنى ورتالىقتاندىرىلعان اۋىزسۋ جۇيەسىنە قوسىلعان. تاعى دا 23 دەمالىس ورنى ورتالىقتاندىرىلعان اۋىزسۋ جۇيەسىنە قوسىلۋعا ءوتىنىش بىلدىرگەن. دەمالىس ورىندارى مەن دەمالۋشىلارعا قولايلى جاعداي تۋعىزىپ, سۋ جۇيەسىمەن تولىق ءارى دۇرىس قامتاماسىز ەتۋ ماقساتىندا «الاكول سۋ» جۇمىستى باستاپ كەتكەن. ال اقشي اۋلىنداعى كول جاعالاۋىنا 17 ورىنعا اۆتوتۇراق سالىنىپ, ارنايى جول بەلگىلەرى ورناتىلعان.
«تابيعاتى تالايدى تامساندىرعان الاكول كولىنىڭ ورتاسىندا ۇلكەن, كىشى ارالتوبە, بەلقۇدىق جانە باسقا دا ارالدار ورنالاسقان. كليماتى — كۇرت كونتينەنتالدى. تاڭەرتەڭ كۇن شۋاعىمەن كولدىڭ ءتۇسى نازىك كوگىلدىر بولادى, ال كەشكە قاراي كوك تۇسكە اينالادى. ەگەر بۇل ايماقتا جەل تۇرىپ, داۋىل سوقسا الاكولدىڭ سۋى لاستانىپ, قارا تۇسكە بويالادى. الاكول — مالتاتاس جانە قيىرشىق تاسپەن تەگىستەلگەن قارا جاعاجايى بار الەمدەگى جالعىز كول», دەيدى اقشي اۋلىنىڭ تۇرعىنى اسان وتەۋوۆ.
ىرعايتى اۋىلدىق وكرۋگىنە قاراستى كول جاعالاۋىنداعى سانيتارلىق تازالىق جۇمىسىنا جاۋاپتى مەردىگەر «ALA COMPANY» جك جانە «بەرەكە» جك 13 شاقىرىم جەرگە 130 دانا قوقىس جاشىگىن ورناتسا, مەردىگەر «اla company» جك قوقىس قالدىقتارىن ارنايى ورىنعا تاسىمالداۋ جۇمىستارىن جۇرگىزەدى. سونداي-اق اقشي اۋلىنداعى 3 شاقىرىمدا ورنالاسقان قوقىس پوليگونىن «قىراۋباەۆا» جك-نە سەنىمگەرلىك باسقارۋعا جانە اقىلى قىزمەت كورسەتۋگە بەرىلگەن. ولار بۇل مىندەتتەمەنى تىڭعىلىقتى اتقارۋدا.
بيىل اقشي مەن كوكتۇما تۋريستىك ايماعىندا جاڭادان 8 تۋريستىك نىسان ىسكە قوسىلىپ, دەمالىس ورنىن 310-عا جەتكىزۋ كوزدەلۋدە. ويعا العان جوسپار تولىق ورىندالعاندا الاكولگە كەلەتىن تۋريست سانى 1 ملن 600 مىڭ ادامنان اسادى.
سۋىنىڭ قۇپياسى بولەك الاكولگە اسىققان حالىق جەتەرلىك. تابيعاتى ەرەك, تىلسىم كۇشى وزىنە تارتاتىن بۇل مەكەندە دەمالۋعا وتانداستارىمىزدان بۇرىن, شەتەلدىكتەر ءجيى كەلەتىن بولعان.
جەتىسۋ وبلىسى
