سۋرەتتەردى تۇسىرگەن – اۆتور
– بۇل كورمە وتاندىق كاسىپورىنداردىڭ جەتىستىكتەرىن كەڭىنەن تانىستىرۋعا, ساپالى ءونىم ءوندىرۋشى باعاسىمەن ۇسىنۋعا, جاڭا ىسكەرلىك بايلانىستار ورناتۋعا جانە ءوڭىردىڭ وندىرىستىك الەۋەتىن دامىتۋعا جول اشاتىن بىرەگەي الاڭ. وتاندىق ونىمدەردىڭ ساپاسىن ارتتىرۋ, ولاردىڭ باسەكەگە قابىلەتتىلىگىن كۇشەيتۋ جانە جەرگىلىكتى تاۋار وندىرۋشىلەردى قولداۋ كورمەنىڭ باستى ماقساتى. بۇگىنگى كورمەگە وبلىسىمىزدىڭ 100-گە جۋىق كاسىپكەرى قاتىسىپ, ءوز ونىمدەرى مەن جەتىستىكتەرىن كوپشىلىك نازارىنا ۇسىنىپ وتىر, – دەيدى ن.ساقتاعانوۆ.
ايتا كەتسەك, وتكەن جىلى ءوڭىردىڭ 7 كاسىپورنى ساپا مەن بيزنەستىڭ الەۋمەتتىك جاۋاپكەرشىلىگى سالاسىنداعى بەدەلدى رەسپۋبليكالىق بايقاۋلاردا جوعارى ماراپاتتارعا يە بولدى. بۇل شىعىس قازاقستان كاسىپكەرلەرىنىڭ شەبەرلىكتەرىن, دامۋعا دەگەن ۇمتىلىسىنىڭ جانە قىزمەتىن ۇزدىكسىز جەتىلدىرۋگە دەگەن تالپىنىسىنىڭ ايقىن دالەلى.
2025 جىلى پرەزيدەنتتىڭ «التىن ساپا» سىيلىعىنىڭ لاۋرەاتتارى اتانعان وبلىس كاسىپورىندارى قاتارىندا «ۇزدىك وندىرىستىك ماقساتتاعى كاسىپورىن» اتالىمى بويىنشا جەڭىمپاز اتانعان «سيلۋمين-ۆوستوك» جشس جانە «ازىق-ت ۇلىك تاۋارلارىن نەمەسە اۋىل شارۋاشىلىعى ونىمدەرىن شىعاراتىن ۇزدىك كاسىپورىن» اتالىمىندا ۇزدىك دەپ تانىلعان «ەميل» جشس بار.
«اتامەكەن» ۇلتتىق كاسىپكەرلەر پالاتاسى جۇزەگە اسىرىپ جاتقان ء«بىر اۋىل – ءبىر ءونىم» جوباسىنىڭ وڭىرلىك كورمەسىندە شقو-نىڭ بارلىق دەرلىك اۋداندارىنان كەلگەن 40-تان استام قاتىسۋشى ءوز ونىمدەرىن ۇسىندى. ساراپتامالىق كوميسسيا جارتىلاي فينالعا شىققان 20 كاسىپكەردى ىرىكتەپ الادى. ولار ءوز جوبالارىن قورعاۋعا ۇسىنادى. بايقاۋ قورىتىندىسى بويىنشا گرانتتىق كونكۋرسقا قاتىسۋ مۇمكىندىگىنە يە بولاتىن جانە 5 ميلليون تەڭگەگە دەيىن قارجىلاندىرۋعا ۇمىتكەر 10 جەڭىمپاز انىقتالماق. وندىقتان كورىنۋگە اركىم ءۇمىتتى.
– بۇل كورمەگە بال, ءتۇرلى شوپتەردەن جاسالعان شاي الىپ كەلدىم. شىعارىپ جاتقان ونىمدەرىم سۇرانىسقا يە. ءشوپ شايدىڭ پايداسى زور ەكەنى بەلگىلى, يممۋنيتەتتى كوتەرەدى. ناقتىراق ايتساق, 20 ءتۇرلى شوپتەن 6 ءتۇرلى شاي شىعارامىز. سوڭعى شىعارعان ءونىم تۇيەتابان شىرىنى. بۇل اسقازاننىڭ ەمى. اسىرەسە جامان اۋرۋدىڭ الدىن الادى, – دەيدى كاسىپكەر الماس تاڭعىت ۇلى.
وبلىس اكىمى كورمەنى ارالاپ, جەرگىلىكتى تاۋار وندىرۋشىلەردىڭ ونىمدەرىمەن تانىسىپ شىقتى. بال جانە ارا شارۋاشىلىعى ونىمدەرى, دارىلىك ءشوپ شايلار, ۇلتتىق اسپاپتار, كيىمدەر مەن اكسەسسۋارلار, كيىزدەن, جۇننەن جانە تابيعي بىلعارىدان جاسالعان بۇيىمدار, توقىما ويىنشىقتار, زەرگەرلىك بۇيىمدار, قىمىز جانە ءسۇت ونىمدەرى, اعاشتان جاسالعان بۇيىمدار مەن ۇيگە ارنالعان دەكور زاتتار جانە باسقا دا ءتۇرلى تاۋارلار كوپتىڭ نازارىنا قويىلدى.
شىعىس قازاقستان وبلىسى
