فوتو: اقوردا
پرەزيدەنتكە ونەرتانۋشى ولگا باتۋرينا قازاقستاندىق تالانتتى قىلقالام شەبەرلەرىنىڭ تۋىندىلارى جيناقتالعان «دالا كەسكىندەمەسى: رامىزدەر, بوياۋلار, بەينەلەر» اتتى كورمەنى تانىستىردى.
سونىمەن قاتار قاسىم-جومارت توقاەۆقا ايگىلى يتاليالىق سۋرەتشى لەوناردو دا ءۆينچيدىڭ «ادەمى حانشايىم» (La bella principessa) كارتيناسىنىڭ تۇپنۇسقاسى كورسەتىلدى.
تانىمال تۋىندىنىڭ كورمەسى ۇلتتىق مۋزەيدىڭ 10 جىلدىعىنا وراي يتاليانىڭ «Scripta Maneant» باسپاسىمەن بىرلەسە ۇيىمداستىرىلعان. جوعارى رەنەسسانس داۋىرىنە جاتاتىن بۇل قۇندى جادىگەر ەۋروپادان تىسقارى جەرگە العاش رەت شىعارىلىپ وتىر.
كورمە ەلىمىزدىڭ مادەنيەت جانە اقپارات مينيسترلىگىنىڭ, يتاليانىڭ قازاقستانداعى ەلشىلىگىنىڭ جانە يتاليا مادەنيەت ينستيتۋتىنىڭ قولداۋىمەن ءوتىپ جاتىر.
ەلوردا تۇرعىندارى مەن قوناقتارى لەوناردو دا ءۆينچيدىڭ وسىناۋ بىرەگەي تۋىندىسىن 4 تامىزعا دەيىن تاماشالاي الادى.
.jpg)
