كوكتەمدە قازاقستاننىڭ بىرنەشە ايماعى سۋ تاسقىنىمەن كۇرەسكەن ەدى. بىراق ماماندار مۇنىڭ ارتىنان جازدا قۇرعاقشىلىق بولۋى مۇمكىن دەگەندى دە ايتقان.
قۋاڭشىلىق مىنا وڭىرلەردە بولۋى مۇمكىن دەگەن بولجام بار:
قوستاناي وبلىسىنىڭ امانگەلدى جانە جانگەلدى اۋداندارىندا;
ماڭعىستاۋ وبلىسىنىڭ ماڭعىستاۋ جانە قاراقيا اۋداندارىندا;
باتىس قازاقستان وبلىسىنىڭ قازتالوۆ, جانىبەك, تاسقالا جانە اقجايىق اۋداندارىندا;
اقتوبە وبلىسىنىڭ قارعالى جانە مۇعالجار اۋداندارىندا
قاراعاندى وبلىسىنىڭ شەت اۋدانىندا;
ۇلىتاۋ وبلىسىنىڭ ۇلىتاۋ اۋدانىندا;
اباي وبلىسىنىڭ اياگوز جانە ءۇرجار اۋداندارىندا
جامبىل وبلىسىنىڭ مويىنقۇم اۋدانىندا;
قىزىلوردا وبلىسىنىڭ قارماقشى جانە قازالى اۋداندارىندا.
ماۋسىم ايىندا شىعىس قازاقستان وبلىسىنىڭ كاتونقاراعاي جانە قۇرشىم اۋداندارىندا, اباي وبلىسىنىڭ بەسقاراعاي اۋدانىندا, الماتى وبلىسىنىڭ تالعار اۋدانىندا, بۇقار جىراۋ, قاراعاندى وبلىسىنىڭ وساكاروۆ اۋداندارىندا, قاراعاندى قالاسىندا جانە پاۆلودار جانە اقمولا وبلىسىنىڭ ەداۋىر بولىگىندە ورتاشا ىلعالدى بولادى دەپ كۇتىلۋدە.
ەلدىڭ قالعان بولىگىندە ىلعالداندىرۋ شارتتارى وسى اي ءۇشىن قالىپتى جاعدايعا جاقىن بولادى.
