فوتو: primeminister.kz
تاراپتار قازاقستان مەن ادب-نىڭ 2023-2027 جىلدارعا ارنالعان ەلدىك ارىپتەستىك ستراتەگياسى اياسىندا ودان ءارى ىنتىماقتاستىقتىڭ باسىمدىقتارىن, سونداي-اق وڭىرلىك كۇن تارتىبىندەگى وزەكتى ماسەلەلەردى تالقىلادى.
نۇرلان بايبازاروۆتىڭ ايتۋىنشا, قازاقستان ادب-مەن ءوزارا ارەكەتتەستىكتى ودان ءارى كەڭەيتۋگە دايىن.
«ەلىمىز ەنەرگەتيكا, «جاسىل» ەكونوميكا, كولىك جانە لوگيستيكا, سۋ رەسۋرستارىن باسقارۋ سالالارىنداعى بىرلەسكەن جوبالاردى ىسكە اسىرۋعا مۇددەلى. وتاندىق ساراپشىلار قاتىساتىن تاجىريبە مەن ءبىلىم الماسۋ باعدارلامالارى دا ءبىز ءۇشىن ماڭىزدى», دەدى ن.بايبازاروۆ.
ەۆگەني جۋكوۆ ازيا دامۋ بانكى ينۆەستيتسيا ارقىلى ەلدىڭ ەكونوميكالىق دامۋىنا قولداۋ كورسەتىپ, مەملەكەت-جەكەمەنشىك ارىپتەستىكتى ىلگەرىلەتۋ ءارى ساراپتاما ۇسىنا وتىرىپ, نەگىزگى سەرىكتەس رەتىندە قازاقستانمەن 30 جىل بويى ىنتىماقتاسا كەلە جاتقانىن ايتتى. ۇيىمنىڭ نەگىزگى جانە باسىم باعىتتاردىڭ ءبىرى – كليماتتىڭ وزگەرۋىنىڭ سالدارىمەن جانە دەكاربونيزاتسيامەن كۇرەستە قولداۋ كورسەتۋ.
كەزدەسۋ بارىسىندا قاراعاندى كوپسالالى ۋنيۆەرسيتەت اۋرۋحاناسىنىڭ قۇرىلىسى بويىنشا جۇزەگە اسىرىلىپ جاتقان جوبانىڭ اعىمداعى جاعدايى, سونداي-اق ادب-نىڭ «قىزىلوردا-جەزقازعان» جولىن قايتا جاڭعىرتۋعا قاتىسۋ ماسەلەسى تالقىلاندى.
نۇرلان بايبازاروۆ مەملەكەتتىك ورگاندارعا جوبالاردى ءتيىمدى ىسكە اسىرۋ ءۇشىن مەملەكەتىشىلىك راسىمدەردى جەدەلدەتۋدى, سونىمەن قاتار سۋ رەسۋرستارى جانە يرريگاتسيا مينيسترلىگىنە ەلدىڭ سۋ ينفراقۇرىلىمىن جاڭعىرتۋ ۇدەرىسىنە ادب-نىڭ قاتىسۋ مۇمكىندىگىن تالقىلاۋدى تاپسىردى.
