ۇيلەسىمدىلىك ۇردىستەرى ۇزىلمەيدى

كەشە مەملەكەتتىك حاتشى گۇل­شارا ابدىقالىقوۆا بۇۇ دا­مۋ باعدارلاماسىنىڭ قا­زاق­ستانداعى تۇراقتى وكىلى ستي­ۆەنن تۋللمەن كەزدەس­ءتى. كەزدەسۋگە بۇۇ دامۋ باع­دار­لاماسىنىڭ قازاقستانداعى تۇ­راقتى وكىلىنىڭ ورىنباسارى مۋنحتۋيا التەنگەرەل, ايەل­دەر ىستەرى جانە وتباسى­لىق-دەموگرافيالىق ساياسات جونىندەگى ۇلتتىق كوميسسيا ءتورايىمىنىڭ ورىنباسارلارى – پارلامەنت ءماجىلىسىنىڭ دەپۋتاتى ەلەنا تاراسەنكو مەن ورتالىق سايلاۋ كوميسسياسىنىڭ مۇشەسى ءلاززات سۇلەيمەن قاتىستى. گ.ابدىقالىقوۆا تاراپتار ارا­سىندا قول جەتكىزىلگەن ءوزارا ءتۇسى­نىستىك پەن ىنتىماقتاستىقتىڭ جوعارى دەڭگەيىن, سونداي-اق, بۇۇ دامۋ باعدارلاماسىنىڭ قا­­زاق­ستان­نىڭ الەۋمەتتىك-ەكو­نومي­­كا­لىق جاڭعىرۋ ۇدەرىسىنە قوس­­­قان ەلەۋلى ۇلەسىن اتاپ ءوتتى. مەم­لە­كەت­تىك حاتشى, سون­داي-اق, ينفراقۇرىلىمدىق دامۋ جوس­پار­ىنىڭ شەڭبەرىندە قازاق­ستاننىڭ الەۋمەتتىك ينفرا­قۇ­رى­لىمىن دامىتۋ جونىندەگى ءوزارا تىعىز ءىس-قي­مىلدىڭ, ونىڭ ىشىندە بارلىق ين­فراقۇرىلىمدىق جوبالارعا ايەل­دەردى بەلسەندى تارتۋدىڭ اي­رىق­شا ماڭىزدىلىعىنا توقتالدى. «بۇگىندە بۇۇ دامۋ باع­دار­لاماسىنىڭ قازاقستاندا قىزمەت ەتكەنىنە 20 جىلدان استى. وسى جىلدار ىشىندە 180-نەن استام جوبا ازىرلەندى. ولاردىڭ باسىم كوپشىلىگى الەۋ­مەت­تىك-گۋما­­ني­تار­لىق باعىتتا جۇزەگە استى. وسى جوبالاردىڭ اياسىندا بىرقا­تار سالالىق باعدارلامالار قولعا الىندى. الەۋمەتتىك, ەكو­لو­گيالىق, ايەلدى قولداۋ, ازا­مات­­تاردىڭ قۇقىقتارىن قورعاۋ باعىتتارى بويىنشا ارنايى زەرتتەۋلەر جۇرگىزىلدى. بىزدە ءالى دە جۇزەگە اسىرىلىپ جات­قان جو­بالار بار. دەمەك, الداعى ۋا­قىتتا ءبىز ءوزىمىزدىڭ ىنتى­ماق­تاس­تى­عىمىزدى دامىتۋىمىز كەرەك.  بارلىعىمىزدىڭ الدىمىزدا ۇلكەن مىندەتتەر تۇر. ولار – ەلباسى ايقىنداعان «قازاقستان-2050» ستراتەگياسى جانە «نۇرلى جول – بولاشاققا باستار جول» جاڭا ەكونوميكالىق ساياساتى. سوندىقتان, ءبىز بۇگىنگى كۇنگە دەيىن ءساتتى جۇزەگە اسقان جوبالار سەكىلدى بۇل باعدارلامالاردى دا بىرلەسىپ, ناتيجەلى ىسكە اسىرامىز دەپ ويلايمىن», دەدى گ.ابدىقالىقوۆا. س.تۋلل ءوز كەزەگىندە بۇۇ دامۋ باع­­دار­لاماسى مەن قازاقستان ۇكى­مەتى اراسىنداعى ارىپتەستىك بايلا­نىسقا توقتالا كەلە, ەلباسى­نىڭ حا­لىققا ارناعان «نۇرلى جول – بولاشاققا باستار جول» اتتى جول­داۋىنىڭ ماڭىزدىلىعىن اتاپ ءوتتى. «بۇل جولداۋ تەك قازاق­ستاننىڭ ءوز ىشىندە عانا ەمەس, سىرت ەلدەردە دە بولاشاقتى بولجاعان ستراتەگيالىق قۇجات رەتىندە تانىلعانىن اتاپ ءوتتى. «بۇل ستراتەگيالىق قۇجاتتى حالىق وتە جوعارى قابىلدادى. ال مۇندايدا ۇكىمەت حالىقتىڭ ءومىر ساپاسىن ارتتىرىپ, ەل كوكەيىندە جۇرگەن ساۋالدارعا جاۋاپ تابۋعا سەپ بولاتىن بىردەن-ءبىر دانەكەرگە اينالۋدا. ءبىزدى بۇعان دەيىنگى كەزدەس­كەن ەكونوميكالىق قيىندىقتارعا قاراماستان, قازاقستان ۇكىمەتىنىڭ ەل ينفارقۇرىلىمىن دامىتۋعا قاجەتتى ينۆەستيتسيانىڭ ۇزىلمەۋىنە, حالىقتىڭ ءومىر ساپاسىنىڭ ارتۋىنا جاعداي جاساۋعا بارىنشا ۇمتىلۋى ۇلكەن قىزىعۋشىلىق تۋدىرىپ وتىر. سوندىقتان, قازاقستان پرە­زي­دەن­تىنىڭ بۇل جولداۋى حالىق­ارا­لىق قاۋىمداستىقتىڭ ءتيىمدى جانە سەنىمدى مۇشەسى ەكەنىن ايعاق­تاپ بەردى. ءبىز الداعى ۋاقىتتا بۇل باعدارلامالىق قۇجاتتىڭ قازاق­ستاننىڭ دامۋ قاعيداتتارىنا قان­شالىقتى دەڭگەيدە اسەر ەتەتىنىن, بۇل ورايدا قازاقستاننىڭ ۇسىنار تاجىريبەسىن, مەملەكەتتىك قىزمەت تەتىكتەرىن جەتىلدىرۋ ماسەلەلەرىن سارالايتىن بولامىز», دەدى س.تۋلل. كەزدەسۋگە قاتىسۋشىلار مەم­لەكەت باسشىسى بەلگىلەگەن «قازاق­ستان-2050» ستراتەگياسى جانە «نۇر­لى جول – بولاشاققا باس­تار جول» جاڭا ەكونوميكالىق سايا­ساتى مىندەتتەرىن ورىنداۋ اياسىندا ەلىمىزدىڭ الەۋمەتتىك-گۋما­ني­­تار­­لىق دامۋىنىڭ كەڭ اۋقىم­دى ماسە­لەلەرى بويىنشا ءوزارا ءىس-قي­مىل­دىڭ پەرسپەكتيۆالارىن تالقى­لادى. تاراپتار الداعى ۋاقىتتا سى­بايلاس جەمقورلىقتىڭ الدىن الۋعا, سون­داي-اق, قوعامنىڭ رۋحاني-ادام­گەرشىلىك دامۋىنا با­عىت­تال­عان شارالار بويىنشا ىنتى­ماق­تاستىقتى نىعايتۋعا ۋاعدالاستى. ماسەلەن, ەلەنا تاراسەنكو قا­زاق­ستاننىڭ تاۋەلسىزدىك العان جىلداردان بەرى ءتۇرلى حالىقارالىق ۇيىم­دارمەن ءتيىمدى بايلانىس ورناتۋ­دىڭ بىرەگەي مودەلىن ۇستانىپ كەلە جاتقانىن تىلگە تيەك ەتتى. «بۇۇ دامۋ باعدارلاماسى قولداۋ-كومەك تانىتۋعا, الەۋمەتتىك-ەكونو­مي­كالىق دامۋعا, حالىقتىڭ ءومىر ساپا­سىن ارتتىرۋعا ايرىقشا ءمان بەرەتىن ەلدەرگە تىكەلەي باعىت­تالعان. مەملەكەت باسشىسى ءار­دايىم بۇل باعىتتا ستراتەگيالىق قۇ­جاتتاردىڭ دايىندالۋىنا كوڭىل ءبولىپ, سول ارقىلى ەلىمىزدىڭ تۇراق­تى دامۋىنا كۇش سالىپ كەلەدى. بۇۇ دامۋ باعدارلاماسى وسى سالا­داعى ماڭىزدى جوبالاردىڭ جۇزە­گە اسۋىنا قولداۋ ءبىلدىردى. سون­داي قۇجاتتاردىڭ ءبىرى – «قازاق­ستان-2050» ستراتەگياسى. بۇل سترا­تە­گيانىڭ الدىندا كەۋدەلى مىندەت­تەر تۇر. ءبىز قازاقستاندىقتار بۇل ءمىن­دەت­تەر ۇدەسىنەن شىعادى دەپ ءۇمىت­تەنەمىز», دەدى ءماجىلىس دەپۋتاتى. ونىڭ ايتۋىنشا, بۇۇ دامۋ باعدارلاماسى حالىقارالىق وزىق تاجىريبەنى ەنگىزۋ باعىتىندا كوپ كومەك كورسەتكەن. سونداي-اق, قازاقستان قولعا العان ستراتەگيالىق باعدارلامالاردى جۇزەگە اسىرۋعا, جاڭا يننوۆاتسيالاردى, تەحنولوگيا­لاردى ىزدەستىرىپ, ولاردى ەل دامۋىنا باعىتتاۋعا ۇلەس قوسقان. ال ل.سۇلەيمەن ءوز سوزىندە قازاقستان پرەزيدەنتى جانىنداعى ايەلدەر ىستەرى جانە وتباسىلىق دەموگرافيالىق ساياسات جونىندەگى ۇلتتىق كوميسسيا مەن بۇۇ دا­مۋ باع­دارلاماسى اراسىندا ءبىر­نە­شە جىلدان بەرى تابىستى ىن­تى­ماقتاستىق ورناپ كەلە جاتقانىن جەتكىزدى. «2009 جىلى ايەلدەردىڭ ەكونوميكالىق جانە ساياسي بەل­سەندىلىگىن ارتتىرۋ باعىتىندا ءبىر جوبا جۇزەگە اسسا, 2010 جىلى ەلدىڭ رۋحاني-ادامگەرشىلىك دامۋى ارقىلى الەۋمەتتىك-ەكو­نو­ميكالىق پروبلەمالاردى ەڭسەرۋگە باعىتتالعان ورتاق جوبا ازىرلەندى. جالپى العاندا, مۇنداي جوبالاردى قازاقستان ۇكىمەتى مەن بۇۇ دامۋ باعدارلاماسى بىرلەسىپ قارجىلاندىرىپ كەلەدى», دەدى ل.سۇلەيمەن. ءلايلا ەدىلقىزى, «ەگەمەن قازاقستان».