فوتو: kaz.tengrinews.kz
ءىس-شارا بارىسىندا مەملەكەت باسشىسى وتاندىق دەنساۋلىق ساقتاۋ سالاسى توڭىرەگىندە ءسوز قوزعادى.
«مەديتسينا, فارماتسەۆتيكا, بيوتەحنولوگيا سالاسىنداعى عالىمدارىمىزدىڭ الەۋەتى وتە جوعارى. ەلىمىزدە سۇرانىسقا يە پرەپاراتتاردىڭ بالاماسىن, ۆاكتسينالاردى جانە باسقا دا مەديتسينالىق ونىمدەردى وندىرۋگە قابىلەتتى ءىرى كاسىپورىندار تابىستى جۇمىس ىستەپ جاتىر», دەدى قاسىم-جومارت توقاەۆ.
پرەزيدەنتتىڭ ايتۋىنشا, حالىقتى وتاندىق مەديتسينالىق بۇيىمدارمەن جانە ءدارى-دارمەكپەن قامتاماسىز ەتۋ دەڭگەيىن كەزەڭ-كەزەڭىمەن كوتەرۋ ماڭىزدى. وسى سالادا حالىقارالىق دەڭگەيدەگى جەتەكشى كومپانيالارمەن قارىم-قاتىناس ورناتىلىپ جاتىر.
«وتاندىق دەنساۋلىق ساقتاۋ سالاسىنىڭ دامۋى حالىقتىڭ ورتاشا ءومىر ءسۇرۋ ۇزاقتىعىنان كورىنەدى. قازاقستاندا بۇل مەجە 75 جاستان استى. بىراق وسى كورسەتكىش بويىنشا الەمدەگى جەتەكشى ەلدەردەن ونداعان جىلعا ارتتا قالىپ قويدىق. بۇل – ءبىز ۇمتىلاتىن ماقساتتىڭ ءبىرى», دەپ قوستى مەملەكەت باسشىسى.
