فوتو: liepajniekiem.lv
ەلىمىزدىڭ باتىس جانە وڭتۇستىك ايماقتارى انتيتسيكلوننىڭ ىقپالىندا بولعاندىقتان مۇندا جاۋىن-شاشىنسىز اۋا رايى ساقتالادى. رەسپۋبليكامىزدىڭ وڭتۇستىك-باتىسىندا جەل سوعادى, سولتۇستىك, سولتۇستىك-باتىس وڭىرلەردە تۇنگى جانە تاڭەرتەڭگى ۋاقىتتا تۇمان بولادى دەپ كۇتىلەدى. تۇندە شىعىس قازاقستان وبلىسىنىڭ شىعىسىندا, سولتۇستىك قازاقستان وبلىسىنىڭ سولتۇستىك-شىعىسىندا سىناپ باعانى 1-3 گرادۋس سۋىقتى كورسەتىپ, ۇسىك جۇرەدى دەپ بولجانادى.
اتىراۋ وبلىسىنىڭ وڭتۇستىگىندە, سولتۇستىگىندە, باتىس قازاقستان وبلىسىنىڭ باتىسىندا, سولتۇستىگىندە, ورتالىعىندا, جەتىسۋ وبلىسىنىڭ شىعىسىندا, تۇركىستان وبلىسىنىڭ ورتالىعىندا, سولتۇستىك-شىعىسىندا, جامبىل وبلىسىنىڭ باتىسىندا, شىعىسىندا, قوستاناي ءوڭىرىنىڭ وڭتۇستىگىندە, اقتوبە وبلىسىنىڭ باتىسىندا ءورت قاۋپى ساقتالادى.
شىعىس قازاقستان وبلىسىنىڭ وڭتۇستىگىندە, قىزىلوردا وبلىسىنىڭ ورتالىعىندا جوعارى ءورت قاۋپى كۇتىلەدى.
تۇركىستان وبلىسىنىڭ شولەيتتى اۋداندارىندا, باتىس قازاقستان وبلىسىنىڭ باتىسىندا (جانىبەك اۋدانىنىڭ باتىس بولىگىندە), اتىراۋ وبلىسىنىڭ باتىسىندا, قىزىلوردا وبلىسىنىڭ شىعىسىندا توتەنشە ءورت قاۋپى بولۋى ىقتيمال.
