جوبانىڭ ەڭ العاشقى جيىنى – «تسيفرلى مەملەكەتتىك باسقارۋ مەن تسيفرلى ترانسفورماتسيا» ايماقارالىق كونفەرەنتسياسىنا الەمنىڭ 13 ەلىنەن 50-دەن استام ساراپشى, مەملەكەتتىك ورگان وكىلدەرى قاتىسىپ جاتىر.
استانا مەملەكەتتى قىزمەت حابى, كورەيا رەسپۋبليكاسى ىشكى ىستەر جانە قاۋىپسىزدىك مينيسترلىگى (MOIS) جانە اقپاراتتىق قوعام ماسەلەلەرى بويىنشا ۇلتتىق اگەنتتىگى (NIA), قازاقستانداعى بۇۇ دامۋ باعدارلاماسى وتكىزەتىن كونفەرەنتسيا بارىسىندا قاتىسۋشىلار مەملەكەتتىك باسقارۋداعى يننوۆاتسيالار مەن تسيفرلاندىرۋ سالاسىنداعى ۇزدىك حالىقارالىق تاجىريبەلەر مەن كەيستەرمەن تانىسادى.
كونفەرەنتسيانى اشقان بۇۇ دامۋ باعدارلاماسى قازاقستانداعى تۇراقتى وكىلى كاتارجينا ۆاۆەرنيا بۇگىنگى تاڭدا تسيفرلىق تەحنولوگيالار دامۋ قۇرالدارى كونتەكستىن, سونداي-اق ولاردىڭ وزدەرىن دە تۇبەگەيلى وزگەرتىپ جاتقانىن ايتتى.
«وسى جاڭا باستاما ارقىلى ءبىز كورەيانىڭ ءساتتى تاجىريبەسىن پايدالانا وتىرىپ, تسيفرلىق ترانسفورماتسيانى ىلگەرىلەتۋدى ماقسات ەتىپ وتىرعانىمىزدى ماقتانىشپەن ايتامىن. بىلىممەن, وزىق تاجىريبەلەرمەن جانە زەرتتەۋلەرمەن الماسۋ, سەمينارلار مەن وقۋ ساپارلارى ارقىلى ءبىز قاتىسۋشى ەلدەردىڭ مەملەكەتتىك شەنەۋنىكتەرىنە باسقارۋ جۇيەلەرىنىڭ تسيفرلىق ترانسفورماتسياسىن باعدارلاۋعا جانە ازاماتتارعا قىزمەتتەردى ءتيىمدى جەتكىزۋگە مۇمكىندىك بەرەمىز», دەپ مالىمدەدى بۇۇدب-نىڭ قازاقستانداعى تۇراقتى وكىلى كاتارجينا ۆاۆەرنيا.
كورەيا رەسپۋبليكاسى ىشكى ىستەر جانە قاۋىپسىزدىك مينيسترلىگىنىڭ (MOIS) تسيفرلى ۇكىمەت پەن يننوۆاتسيالار وفيسىنىڭ تسيفرلى قاۋىپسىزدىك ساياساتى ءبولىمى ديرەكتورى ۆون-گاب دجو ءۇش جىل ىشىندە جەتى ەل اراسىندا ايتارلىقتاي ناتيجەلەرگە قول جەتكىزىپ, قازىر 12 ەلگە دەيىن كەڭەيگەن ايماقتىق جوبا اۋقىمىنداعى ىنتىماقتاستىقتىڭ ماڭىزدىلىعىن باسا ايتتى.
جوبا قاتىسۋشىلارعا تسيفرلى ترانسفورماتسيادا ايتارلىقتاي جەتىستىكتەرگە جەتۋگە كومەكتەسەدى. ۆون-گاب دجو كورەيا ۇكىمەتىنىڭ ازاماتتارعا تسيفرلى پلاتفورما جانە ءتيىمدى باسقارۋ ارقىلى ساپالى قىزمەت كورسەتۋگە دەگەن ۇمتىلىسىن اتاپ ءوتءىپ,كورەيانىڭ تسيفرلىق ۇكىمەت سالاسىنداعى تۇجىرىمدارى جانە جەتىستىكتەرىمەن بولىسۋگە دايىن ەكەنىن ءبىلدىردى.
استانا مەملەكەتتىك قىزمەت حابى باسقارۋشى كوميتەت توراعاسىء اليحان بايمەنوۆ «قازىرگى تاڭدا مەملەكەتتىك باسقارۋدىڭ ماڭىزدى قۇرالدارىنىنىڭ ءبىرى -تسيفرلاندىرۋ» دەپ اتاپ ءوتتى.
«تسيفرلى مەملەكەتتىك باسقارۋ ءوزارا بايلانىستى الەمدە قاجەتتى اكىمشىلىك پروتسەستەردى وڭتايلاندىرۋعا, شەشىمدەر قابىلداۋدى جاقسارتۋعا جانە وزەكتى ماسەلەلەردى شەشۋدە يننوۆاتسيالاردى ىنتالاندىرۋعا مۇمكىندىك بەرەءدى. بۇل مەملەكەتتىك قىزمەت كورسەتۋدە تيىمدىلىك پەن اشىقتىقتى ارتتىرۋعا, ازاماتتاردىڭ ارالاسۋى مەن سەنىم دەڭگەيىن ارتتىرۋعا ىقپال ەتەدى», دەدى ول.
ءاليحان بايمەنوۆ كورەيا رەسپۋبليكاسى ۇكىمەتىمەن بىرلەسكەن جوبانىڭ ماڭىزدىلىعىن اتاپ ءوتتى. بۇل جوبانى قاتىسۋشى ەلدەر جوعارى باعالاپ, وعان قاتىسۋشىلار اۋقىمى ودان سايىن كەڭەيىپ, جاڭا جوباعا نەگىز بولعان.
ەىدۇ تسيفرلى ۇكىمەت يندەكسى رەيتينگىندە الەمدىك كوشباسشى سانالاتىن كورەيا رەسپۋبليكاسى ساراپشىلارى ستراتەگيالار مەن يننوۆاتسيالاردى, سونداي-اق زاڭنامالىق اسپەكتىلەردى قوسا العاندا, تسيفرلى ترانسفورماتسيانىڭ كورەيلىك جولىمەن تانىستىردى.
كاۆكاز (گرۋزيا, ارمەنيا, ازەربايجان) جانە ورتالىق ازيا (قازاقستان, قىرعىزستان, تاجىكستان) ەلدەرىنىڭ مەملەكەتتىك ورگان وكىلدەرى قاتىسۋشىلاردى ءوز ۇكىمەتتەرىنىڭ تسيفرلى پلاتفورمالارىنىڭ جۇمىس پرينتسيپتەرىمەن تانىستىردى.
كونفەرەنتسيانىڭ ەكىنشى كۇنى, 30 مامىردا كوپشىلىك نازارىن وزبەكستان جانە ازيا-تىنىق مۇحيتى ەلدەرىندە (فيليپپين, لاوس, كامبودجا, موڭعوليا, بانگلادەش) قولدانىلاتىن تاجىريبە اۋداردى.
كونفەرەنتسيا اياسىندا قاتىسۋشىلار پىكىرلەر مەن يدەيالار الماسىپ, قاتىسۋشىلار تسيفرلى مەملەكەتتىك باسقارۋدى ءتيىمدى دامىتۋ بويىنشا جەتەكشى ساراپشىلار پىكىرىن تىڭداپ, ىنتىماقتاستىقتىڭ باسىم باعىتتارى مەن بىرلەسكەن جوبا اياسىنداعى ءىس-شارالاردى بەلگىلەيءدى.
