فوتو: ۆيدەوسكرين. تج جونىندەگى جەدەل شتاب
اتىراۋ وبلىسىنىڭ تج جونىندەگى جەدەل شتابى ءمالىم ەتكەندەي, بۇگىندە 1209 تۇرعىننىڭ ەسەپشوتىنا تولەماقى اۋدارىلدى. ونىڭ 451-ءى جوندەۋ-قالپىنا كەلتىرۋ جۇمىستارىن جۇرگىزۋ ءۇشىن, 758-ءى تۇرعىن ءۇي ساتىپ الۋ نەمەسە ءۇي قۇرىلىسىن سالۋ ءۇشىن تولەماقى الدى.
«كوميسسيا شەشىمىمەن ءۇيىمىز بۇزىلاتىن بولدى, حابارلاما كەلگەن سوڭ قاراجات ەرتەڭىندە اۋدارىلدى, وعان ءۇي ساتىپ العىمىز كەلەدى. بيىل سالىنعانىنا 10 جىل بولعان ءۇيىمىز سۋعا كەتكەندە اياق-قولدى الىپ جۇرەتىن مۇمكىندىك بولعان جوق. قۇجاتتارىمىزدى عانا تۇگەندەپ الا الدىق. بولاشاقتا بارلىعى قالپىنا كەلەدى دەپ ۇمىتتەنەمىز. بۇزىلعان ءۇيدىڭ ورنى ءوز يەلىگىمىزدە قالاتىن بولدى. سۋ تاسقىنى بولىپ جاتقاندا ماڭعىستاۋداعى تۋىسىمىزدىڭ ۇيىندە وتباسىمىزبەن ۋاقىتشا تۇردىق», دەيدى زەينەتكەر داريعا اعىسوۆا.
ءۇيى بۇزىلاتىنداردىڭ قاتارىنداعى ەربولات تاڭقيەۆتىڭ ايتۋىنشا, ءۇيى مەن اۆتوگاراجىن تۇگەلدەي سۋ باسقان.
«ەڭ الدىمەن زالالسىزداندىرۋ جۇمىستارىنا ءوتىنىش بەردىك. ءۇيدىڭ قابىرعاسى جارىلىپ, سۋدىڭ اسەرىنەن ەدەن كوتەرىلىپ كەتتى. باعالاۋشىلار مەن تەحنيكالىق زەرتتەۋ ماماندارى دا ءۇيدىڭ جاعدايىن كوردى. م ۇلىكتى باعالاۋشىلار دا كەلدى. سودان سوڭ كوميسسيانىڭ شەشىمىمەن ءۇيىمىزدىڭ بۇزىلاتىندىعى تۋرالى حابارلاما الدىق. ءۇيدى بۇزۋعا 45 كۇن مەرزىم بەرىلەدى ەكەن, سوندىقتان ءۇيدى بۇزۋ جۇمىستارىنا كىرىسىپ كەتتىم», دەدى ە.تاڭقيەۆ.
