فوتو: needpix.com
«قازگيدرومەت» رمك مالىمەتىنە كوز جۇگىرتسەك, الداعى ءۇش تاۋلىكتە سولتۇستىكتە, سولتۇستىك-باتىستا, شىعىستا جانە ورتالىقتا, 1 ماۋسىمدا رەسپۋبليكانىڭ باتىسىندا اتموسفەرالىق فرونتتاردىڭ وتۋىنە بايلانىستى تۇراقسىز اۋا رايى ساقتالادى, نايزاعاي ويناپ, جاڭبىر جاۋادى, بۇرشاق ءتۇسىپ, ەكپىندى جەل سوعادى.
«قازاقستاننىڭ وڭتۇستىگىندە جوعارى قىسىمنىڭ اسەرىنەن جاۋىن-شاشىن توقتايدى. 31 مامىردا سولتۇستىك-باتىستا, 31 مامىر-1 ماۋسىمدا سولتۇستىكتە, 1 ماۋسىمدا ەلدىڭ شىعىسىندا, كۇندىز رەسپۋبليكانىڭ باسىم بولىگىندە اۋا تەمپەراتۋراسى بىرتىندەپ كوتەرىلەدى», دەدى ماماندار.
رەسپۋبليكانىڭ باتىسىندا, وڭتۇستىگىندە اۋا تەمپەراتۋراسى +27+35°س دەيىن, ەلدىڭ سولتۇستىك-باتىسىندا, سولتۇستىگىندە, ورتالىعىندا +15+25°س دەيىن, وڭتۇستىك-شىعىستا +22+27°س دەيىن, شىعىس ايماقتاردا +10+20°س دەيىن تومەندەيدى دەپ بولجانىپ وتىر.
