فوتو: depositphotos.com
قازاقستان مەن تاجىكستان اراسىنداعى ۆاليۋتالىق كەلىسىم 1999 جىلدىڭ 16 جەلتوقسانىنان بەرى جالعاسىپ كەلەدى. 25 جىلدان كەيىن كەلىسىم توقتاتىلدى. ۇلتتىق بانكتىڭ حابارلاۋىنشا, قۇجات وزەكتىلىگىن جوعالتىپ, سونىڭ ىشىندە تاجىكستانداعى ۇلتتىق ۆاليۋتانىڭ بىرنەشە جىلدار بويى وزگەرۋىنە بايلانىستى ەكەنى بەلگىلى بولدى.
«مەملەكەتتەردە ءتيىستى نورماتيۆتىك-قۇقىقتىق بازانىڭ قۇرىلۋىنا بايلانىستى بۇگىنگى كۇنى حالىقارالىق شارتتىڭ ەرەجەلەرى, ونىڭ ىشىندە شارتتىڭ وزىندە كوزدەلگەن تاجىكستاننىڭ اقشا بىرلىگىنىڭ اتاۋى – تاجىك ءرۋبلى وزەكتىلىگىن جوعالتتى», دەلىنگەن ءباسپاسوز حابارلاماسىندا.
كەلىسىم بويىنشا تاراپتاردىڭ بارلىق مىندەتتەمەلەرى ورىندالدى, ايىرباستاۋ جانە ايىرباس باعامىن تۇراقتاندىرۋ ماسەلەلەرى «ۆاليۋتالىق رەتتەۋ جانە ۆاليۋتالىق باقىلاۋ تۋرالى» زاڭمەن رەتتەلەدى.
ەسكە سالا كەتەيىك, 2000 جىلدان باستاپ تاجىكستاندا تاجىك ءرۋبلىنىڭ ورنىنا جاڭا ۆاليۋتا – سوموني ەنگىزىلدى.
قىرمىزى جۇماعاليقىزى,
ەۇۋ ستۋدەنتى
