فوتو: aikyn.kz
سينوپتيكتەردىڭ مالىمەتىنشە, تسيكلون جانە ونىمەن بايلانىستى سۋىق اتموسفەرالىق اعىندار ەلىمىزدىڭ باسىم بولىگىندە اۋا رايىنا ىقپال ەتەدى. بۇگىن ەلىمىزدىڭ كوپ جەرىندە تۇندە جاۋىن–شاشىن بولادى, سولتۇستىكتە, ورتالىقتا, وڭتۇستىك-شىعىستىڭ تاۋلى ايماقتارىندا – قاتتى جاۋىن-شاشىن (جاڭبىر, قار), سولتۇستىكتە, شىعىستا, وڭتۇستىك-شىعىستا, كۇندىز ەلدىڭ ورتالىعىندا قاتتى جاڭبىر, رەسپۋبليكانىڭ سولتۇستىگىندە, شىعىسىندا, ورتالىعىندا, وڭتۇستىگىندە بۇرشاق جاۋادى دەپ كۇتىلۋدە.
تەك ەلىمىزدىڭ باتىسىندا جانە قىزىلوردا وبلىسىندا كۇن جاۋىن-شاشىنسىز, اشىق بولادى. رەسپۋبليكا بويىنشا ەكپىندى جەل سوعىپ, نايزاعاي وينايدى, سولتۇستىك-باتىستا, ورتالىقتا, وڭتۇستىكتە تۇندە تۇمان تۇسەدى.
تۇندە اقمولا وبلىسىنىڭ باتىسىندا, قاراعاندى, ۇلىتاۋ وبلىسىنىڭ سولتۇستىگىندە, سولتۇستىك قازاقستان وبلىسىندا, تۇركىستان وبلىستارىنىڭ سولتۇستىگىندە توپىراق بەتىندە, تاۋلى اۋداندارىندا 1-2 گرادۋس ۇسىك جۇرەدى.
اتىراۋ وبلىسىنىڭ باتىسىندا, وڭتۇستىگىندە, قىزىلوردا وبلىسىنىڭ شىعىسىندا, باتىس قازاقستان وبلىسىنىڭ باتىسىندا, وڭتۇستىك-باتىسىندا, شىعىس قازاقستان وبلىسىنىڭ وڭتۇستىك-شىعىسىندا, ورتالىعىندا, اباي وبلىسىنىڭ وڭتۇستىك-باتىسىندا جوعارى ءورت قاۋپى ساقتالادى.
اباي وبلىسىنىڭ وڭتۇستىگىندە, تۇركىستان وبلىسىنىڭ ءشولدى اۋداندارىندا توتەنشە ءورت قاۋپى بار.
