فوتو: e-cis.info
رەسەيلىك ءسۇت زاۋىتتارى مەن شەكارالاس وڭىرلەردەگى ارزان شيكىزات بۇگىندە جەرگىلىكتى ءسۇت شارۋاشىلىعىنا ۇلكەن اۋىرتپالىق ءتۇسىرىپ وتىرعانى ءمالىم. دۇكەن سورەلەرىن كورشى ەلدىڭ ءسۇت ونىمدەرى جاۋلاپ بارادى. بۇعان دەيىن پاۆلودارلىق زاۋىتتار جەرگىلىكتى شارۋاشىلىقتاردان ءسۇت ساتىپ الۋعا ليميت ەنگىزۋى مۇمكىن ەكەنىن, سەبەبى رەسەيدىڭ شەكارالاس اۋماقتارىنان وتاندىق كاسىپورىندارعا ارزان شيكىزات ۇسىنىپ وتىرعاندار بارىن جازعان ەدىك. بۇل ماسەلەگە بۇگىندە ەلىمىزدىڭ تاۋەلسىز ۇيىمدارى مەن ءىرى ءسۇت زاۋىتتارى نازار اۋدارا باستاعانى بايقالادى.
پاۆلودار وبلىسىنىڭ كاسىپكەرلەر پالاتاسىنا پەتروپاۆلداعى «Eurasian Milk» جشس زاۋىتىنىڭ وكىلدەرى ارنايى كەلىپ, كەزدەسۋ وتكىزدى.
رەسپۋبليكالىق ءىرى قارا مالدىڭ ءسۇتتى جانە ارالاس تۇقىمدارى پالاتاسى ديرەكتورىنىڭ ورىنباسارى بەرىك نىعماشەۆ قازىر كورشى مەملەكەتتەرگە ءونىمدى قازاقستانعا يمپورتتاۋ ءتيىمدى بولىپ وتىرعانىن جەتكىزدى. سوندىقتان ەلىمىزدىڭ كوپتەگەن ءسۇت زاۋىتىندا ءونىم وتكىزۋدە قيىندىقتار تۋىندايدى. بۇل اۋىلشارۋاشىلىق تاۋار وندىرۋشىلەرىمىزگە تەرىس اسەر ەتەدى.
ء«بىز پاۆلودار وبلىسىنا ۇسىنىسپەن كەلدىك, سەبەبى كەيىنگى كەزدەرى بىزگە كوپتەگەن زاۋىتتان, تاۋارلى ءسۇت فەرمالارىنان ءسۇت ساتىپ الىنبايتىنىنان حاباردار بولدىق. قازىر ۇلكەن مەملەكەتتىك باعدارلاما جۇمىس ىستەيدى, ول بويىنشا 2,5 پايىزبەن قارجىلاندىرۋ بەرىلىپ وتىر. بىراق ءبىز ەرتەڭ بۇل باعدارلاما دۇرىس ناتيجە بەرمەۋى مۇمكىن دەپ الاڭدايمىز. ءسۇتتى ەشكىم ساتىپ الماسا, ول كىمگە كەرەك؟ وتاندىق تاۋار وندىرۋشىلەر ءسۇت وندىرۋگە كوپ اقشا جۇمسايدى, ال ءبىز ءتيىستى ناتيجەگە قول جەتكىزە الماي كەلەمىز», دەدى ول.
پاۆلودار وبلىسى كاسىپكەرلەر پالاتاسىنىڭ ديرەكتورى ەرقانات ابەنوۆ ءسۇتتى وتكىزۋ ماسەلەسى الاڭداتارلىق ەكەنىن اتاپ ءوتتى. جەرگىلىكتى پالاتا فەرمەرلەرگە بۇل تۇرعىدان كومەكتەسۋدە ايانىپ قالمايتىنىنا سەندىردى.
پەتروپاۆل قالاسىندا ورنالاسقان زاۋىت «Eurasian Milk» جشس باس ديرەكتورىنىڭ ورىنباسارى سەرگەي كۋزمەنكوۆ كومپانيا تاماق ونىمدەرىمەن بايلانىستى ۇلكەن حولدينگكە كىرەتىنىن ايتتى. ايتۋىنشا, زاۋىت قازىر ءوسىپ, ءوندىرىسىن كەڭەيتۋ ۇستىندە. كومپانيا تاۋلىگىنە 120 توننا ءسۇتتى وڭدەيدى, بۇل كولەمدى ەكى-ءۇش جىل ىشىندە ودان ءارى بىرنەشە ەسە ارتتىرۋعا نيەتتى. بۇل رەتتە كومپانيا شيكىزاتتى ۇنتاق كۇيىندە قابىلدامايتىنىن ەسكەرۋ كەرەك.
«مەن ءسۇتتى قازىر جانە بىردەن ساتىپ الا باستايمىز دەپ ۋادە بەرە المايمىن. سەبەبى ءار فەرمادا ءسۇتتىڭ ساپاسى ءارتۇرلى. جەتكىزۋشىلەرمەن قارىم-قاتىناس ورناتۋ بويىنشا بەلگىلى ءبىر ەرەجە بار. ەگەر تالقىلاۋعا نيەت بولسا, ءبىز فەرمالارعا بارىپ, ونىممەن تانىسا الامىز», دەدى ول.
بۇل جاڭالىق جەرگىلىكتى فەرمەرلەردى قۋانتىپ وتىر. الايدا كورشى وڭىردەگى زاۋىتتىڭ شيكىزات قابىلداۋ مۇمكىندىگى اسا مول بولمايتىنىن, ءارى تەك ساپالى ءسۇت قانا الاتىنىن ەسكەرسەك, وبلىس بيلىگىنە بۇل ماسەلەنى تۇبەگەيلى شەشۋگە ۇمتىلىس قاجەت-اق.
پاۆلودار وبلىسى
